Arti i te jetuarit

Po pastaj..

2012-02-01T19:34:00.003+01:00

Sonte teksa kthehesha per ne shtepi, pasi eca 200m ne Tiranen e akullt, nen deboren qe vdiste para se te arrinte trotuarin, vendosa te marr autobusin e zakonshem. Autobusin qe mezi e dalloj ne eshte i linjes time,kjo per dy arsye ajo miopike, por edhe sepse nese e shikon nga larg ballinen e autobusit, aty shnderrin emertimi i nje linje franceze. Etiketa pionere per ne “Qendren Kristal” ne pjesen e pasme te xhamit, duket e erret,nje format A4, e cila nga larg nuk duket fare. Duke qene se bente ftohte mendoja se mund te ishte kaq plot sa mbase duhet te ecja ne kembe. Per cudine time autobusi ishte thuajse I zbrazet. Zakonisht nuk ka nevoje per komunikim me fatorinon, ai afrohet ti I zgjat monedhat qe deri dje ishin 30lek, ai pret me dembelizem bileten duke pritur disa sekonda qe ti ta refuzosh, kur kjo nuk ndodh dhe ti e merr serish, nuk ka nevoje per komunikim. Me e shumta ka nje levizje miratuese koke, apo dhe nje faleminderit me ze minimal por asgje me shume. Ndodh qe reagimi I pasagjereve ndaj biletes eshte mohues, sikur thone “ jo , mbaje “ duke meshiruar statusin e fatorinos qe shume here nuk eshte vecse nje djal I ri, adoleshent, here tjera nje mesoburre qe I ka kaluar 40. Sonte teksa mu afrua fatorino me lajmeroi : 50 leke me nje tonalitet qe ishte ne forme pyetje, ia zgjas ai I numeron, nuk reagoj dhe marr nje bilete format krejt tjeter, 4fish me e madhe me masa sigurie e me pak primitive se paraardhesja.
Ndalon ne nje stacion, hyping te tjere pasagjere, serish fluksi duket shume me minimal per kohen kronologjike por dhe klimaterike. Kam ngulur shikimin ne xhamin e autobusit, verej njerz qe ecin shpejt, makina nervoze, bore-shi acarues nderkohe qe veshet e mi punojne pa pyetur.
“po kesaj I thone 30 mije lek ne muaj vetem per autobusin ore “
Zera grash, me tone te larta, dhe burrash qe heshturazi belbezojne, kane vetem nje pergjigje ndaj fatorinos qe mbase per here te pare po aplikonte ne menyre krejt direkte marredheniet me publikun.
Atobusi vijon ne stacionin tjeter, mendoj per ata qe vendosen te mos e marrin sonte ate, por jo vetem sonte.. Filloi demarkimi kategorise se shoqerise qe mund te paguaje nje autobus urban dhe asaj qe nuk mundet. Sigurisht ‘ duhet ‘ te ndihesha e pasur..

Shqipëria e zhveshur - Top Channel

2011-11-22T10:29:00.001+01:00

Shqipëria e zhveshur - Top Channel

Shqipëria ‘plehristike’

2011-11-04T12:56:00.001+01:00

Votimi i turpshëm i ditës së djeshme në parlament duhet të mbahet mend gjatë prej shqiptarëve. Dhe ka shumë gjasa të mbahet mend, nëse kjo shoqëri nuk reagon duke firmosur një peticion ku kërkohet referendum për lejimin apo mos lejimin e importeve të ‘mbetjeve’, term ky politikisht korrekt, por realisht i pavërtetë. Për herë të parë dëgjuam nga vetë goja e kryeministrit se importimi i mbetjeve shpëtoka Shqipërinë nga mbetjet toksike. Frazat më të pakuptimta që mund të dalin nga goja e një kryeministri që, për më tepër, ka formim kardiologu. Këta pushtetarë, dje, vendosën me autoritetin e perëndive, duke përjetësuar praninë e tyre, duke marrë përsipër të dënojnë brezin tonë, por dhe të gjithë brezat pasardhës, në mënyrën më të dhunshme që mund të ekzistojë, thua se nuk u mjafton masakrimi i deritanishëm që po i bëjnë këtyre trojeve.
Argumenti ekonomik që mbron Çili & co, në lidhje me këtë ligj, është argumenti më i pasaktë në termat makro-ekonomik. Lind pyetja perse?
Kjo, sepse vetë tregu Zoti Çili, i merr të mirëqena dëshirat e konsumatorëve. D.m.th. tregu prodhon pavarësisht se nga ai prodhim mund të lëndohet shëndeti im apo i fëmijëve të mi nesër. Shumë e thjeshtë, ti preferon të ecësh në këmbë dy kilometra ( të lodhesh, të humbasësh kohë) duke qenë i sigurt ama se nga ai veprim nuk lëndohet shëndeti yt dhe i fëmijëve të tu , apo të ecësh me një makinë që ndot, që të kursen kohë, që të mban dhjamin në vend, por që njëkohësisht te bën të sëmuresh ti vetë dhe fëmijët e tu. Kështu pra, thjesht e qartë, e parë në termat makro-ekonomik në ndikimin direkt te importit te mbetjeve Shqipëria do të sakatojë vetveten me kalimin e këtij ligji, duke ulur cilësinë e jetës së qytetarit shqiptar. Ajo cilësi, e cila mbahet në vet vetë dhe në lidhje me jetgjatësinë mesatare, e ku ne do bëhemi dhe më të varfër sepse nje pjesë e mire e buxhetit familjar do të shkojë tek doktori, tek ilaçet, shumë më shumë nga ç’shkon tani. E parë nga ana industriale sërish do të kemi efektin: Mirupafshim, turizëm kulturor, bregdetar kjo si pasojë e “reputacionit” që Shqipëria do të fitojë, një damkosje reale si koshi i mbetjeve të Europës. Në kët rast dhe sikur të injorojmë, në lidhje me makro-ekonominë, kostot reale që sjell një profilizimi i ri në kapacitetet njerëzore, përsa i përket industrisë së turizmit,nga ana tjetër kemi ndikimin zero të shtetit që kalon ligje kaq të dëmshme në parlament, por nuk ndërhyn kurrsesi të vendosë rregulla në menaxhimin e tregut e aq më pak të mbajë përgjegjësi për këto gabime fatale.
Po t’i kthehemi sërish mitit të riciklimit, dhe në rastin ideal, ku doganat funksionojnë më së miri, ku kapacitetet njerëzore për monitorimin e mbetjeve janë shumë mirë të formuara, ku korrupsioni është në nivelet e Shoqërise Gjermane apo Hollandeze (dy shembuj këta të përmendur në parlament në seancën e djeshme), duhet të flasim për termodinamikën si proces që injorohet. Mbetjet nuk mund të bëhen pjesë integrale e një produkti, që prodhohet nga mbetjet. Ndërkohë, është e vërtetë se kostoja e riciklimit të mbetjeve ështe më e lartë se ajo e prodhimit të një produkti pa përdorur mbetjet. Por dhe nëse kjo kosto ekziston në likuiditet, mbetjet do kenë gjithmonë mbetje, qofshin këto të prekshme, pra që shihen apo te paprekshme, por që ndihen. Miti i riciklimit, sikur të ekzistonte vërtet, në mënyre kaq absolute nuk do të bënte që ekonomitë më të zhvilluara të taksonin në mënyrë kaq të lartë, bizneset që me produktet e tyre krijojnë mbetje si ato plastiket, dioksid karbonit etj etj. Po të flasim për një shembull konkret, plastika, për shembull, kurrë nuk dekompozohet totalisht, por foto- degradohet në copëza të vogla të quajtura mikro – plastikë te cilat të pranishme në dete/ lumenj mund të grumbullojnë përbërje organike hidrofobike nga 100,000 deri në 1 milion herë se niveli i hapësirës rreth vetes. Edhe në ekonomitë më të përparuara është përllogaritur se vetëm 5% e totalit të qeseve plastike të përdorura janë ricikluar, duke pohuar edhe një herë se nuk është kost-efektive. Nga ana tjetër, Ministria e Integrimit e gjykon këtë ligj si një kusht për integrimin ne BE. Dua t’i kujtoj kësaj zonje se BE-ja është shprehur shumë qartë mbi detyrat e shtëpisë, që duhet të plotësoni. BE-ja kërkon kontekst shqiptar europian, mbi të gjitha, ku ligjet respektohen po ku vetë pushtetarët tanë nuk i respektojnë. Nga ana tjetër, jemi një vend shumë strategjik për t’u bërë kosh plehrash për dy faktorë 1. Gjeostrategjik : Jemi në këtë kontinent, vendi që nuk ka shumë kosto transporti për tu bërë destinacion I preferuar per magazinim mbetjesh në krahasim me vende të tjera të varfra që ndodhen në kontinente të tjera për shtetet europiane që janë kaq të përparuar në krahasim me ne, dhe njëkohësisht ndotës shumë të medhenj në nivel global, e dyta konteksti rajonal, i cili mund të reagonte, është shumë i dobët, e pse jo aspak largpamës njëkohësisht (pare me nje lloj syzesh idealiste). Janë shumë faktorë që na bëjnë kurban, po heshtëm dhe me miratimin e këtij ligji do të thotë se e meritojmë fatkeqësinë që na ka rënë mbi kokë. Ndaj, peticioni për referendum duhet të firmoset nga të gjithë shqiptarët. Të vijohet, pastaj me votimin e tij. Në këtë mënyrë, nëse votohet pro, shfajësojmë dhe qeverinë që “na e do të mirën”, ose për herë të parë u provojmë këtyre zotërinjve se vendimet e tyre e kanë një kufi! Kështu të paktën ngadalësojmë procesin e shkatërrimit ekologjik të këtij vendi, ngadalësojmë procesin e kthimit në parajsë plehrash duke mbrojtur sadopak jetën tonë e te brezave qe vijnë.

Punë pa studim

2011-10-12T11:11:00.001+02:00

Ndërkohë që jam e lumtur sa herë që njoftohem për evente në Panairin e dytë ‘work and study’ që u organizua më se fundmi tek Pallati I Kongreseve ( dt 7,8, 9, Tetor) e shkruaj pa frikë se ky event ishte zhgënjimi I radhës , si nga forma dhe nga përmbajtja.
Fillimisht u habita që ky panair po mbahej në datat aq tangjente siç ishte data 10 Tetor ku dihet fillon viti I ri akademik, e ku nënkuptohet që regjistrimet a priori janë bërë dite në mos javë përpara, nënkuptohet gjithashtu se mbase shqetësimet e tyre në dy ditë para fillimit të studimeve duhet të ishin të llojeve teknike, pse jo duke kërkuar dhoma apo apartamente me qera, pse jo shumë prej tyre nuk do ishin fare në Tiranë pasi vijnë nga rrethet dhe do të deshironin ti kalonin me familjen ditët e fundit para fillimit të vitit të ri akademik. Por jo, organizuesit nuk e kanë parë të arsyeshme që ti konsideronin këto detaje, po ashtu me sa kuptova shumë nga pjesmarrësit ishin lajmëruar vetëm 3 -4 ditë para për eventin, gjë që shpreh qartë se çdo gjë është planifikuar sipas zgjimit në mëngjes të ndonjë zyrtari I cili kishte parë me vonesë që në agjenden e tij duhej të ishte organizuar dhe ky event. E kështu çdo gjë si zakonisht bëhet në momentin e fundit alla shqiptarqe siç e kemi zakon.
Për ata që nuk e dinë ‘work and study’ në shqip përkthehet ‘punë dhe studim’ që në emërtimin e tij pra ky panair të zhgënjen. Pyetja lind kush janë organizatorët mos vallë janë të huaj, të huaj këta që nuk duan të integrohen, se në fund të fundit dhe organizata të huaja të ishin kur I drejtohen një grupi kaq të rëndësishëm të shoqërisë shqiptare medoemos do ishin përshtatur disi. Por jo, në listën e organizuesve apo më së paku sponsorve kryesor te ketij eventi kemi: METE, MASH, MPCSSHB, pra duket qartë që janë institucionet shqiptare që apriori përtej mbajtjes së flamurit amerikan çuditërisht në shumë nga zyrat e tyre, kur vjen puna tek servirja e eventeve të këtij lloji duhet të kishin një minimum respekti që eventi të paktën të mbante një emërtim në Shqip!
Ecim në shkallët hyrëse një muzikë e lartë rap, për shqipot që nuk e dinë është muzika bababum komerciale në maksimum dhe me një volum të admirushëm për disko në rastin kokret. Në pjesën kryesore të hollit pra në zemër të panairit me një sipërfaqe pa frike 35-40% janë dy kompanitë që kanë zënë vend, përkatësisht: Ande LM , dhe Korbi Education. Duke I përgëzuar sinqerisht këto dy kompani për shkathtësinë e treguar në vendosjen strategjike , si dhe duke ditur se misioni kryesor I tyre në rastin konkret është ndërlidhja me universitetet jashtë Shqipërisë .. lind pyetja mos vallë mesazhi kryesor I panairit është tu thote studentëve shqiptar mbathjani prej Shqipërisë se këtu nuk studiohet.. mund të kenë dhe të drejtë duke pare se sa universitete fantazëm të pa akredituara ka, e duke pare se akoma shiten diploma në disa prej tyre.. gjithsesi një mesazh I tillë nuk mund të pritej nga institucionet qeveritare.
Vijojmë në perimetrin e hollit qendror ku realisht ka një numër të madh universitetesh, shumë nga ata emra I dëgjova per herë të parë. Pashë një universitet Britanik që ishte në Shqipëri po me emër tjetër. Cdo material prezantues ishte në anglisht dhe sërish pyetjes nga ana ime se si mund të kuptonte një student që nuk di anglisht mbi programin e tyre një vajzë simpatike mu përgjigj se mund të shohin dritaren elektronike në internet.. Shikoj një universitet tjetër, më terhëq syrin pasi pamfleti prezantus ka si vit themelimi të tij vitin 1998.. duke e ditur se universiteti I parë privat është themeluar pas vitit 2000 I pyes si është e mundur që paskan qenë në hije. Përgjigje: Në fillim dmth atëherë kishim vetëm disa kurse . Tani un mendova me vete se një ditë kopshti I vogël privat I lagjes ku banoj pas 20 vitesh mund te formatohet në universitet e pse jo të vendose ditën e themelimit te kopshtit si date fillestare..
Në të vërtetë duhet thëne se prezantueset e stendave të universiteteve ishin shumë të sjellshme por po aq e vërtëte eshte se të gjithë pretendonin të kishin stafin më të mirë akademik.. nga ana tjetër kur u kërkoje listen me emra të këtij stafi, dukej si pyetje e çuditshme. Nga ana e materialeve shtoj se disa I kishin kopjuar sfondet dekorative pamfleteve te outdoor advertising të bankës Procredit. Megjithatë un uroj qe plagjiatura apo niveli I lejimit të kopjimit në këto institucione të mbesë vetëm aty. Broshurat në shumë raste mund vetëm të shikoheshin.. pasi kushtonin shumë.
Më në fund në një cep pashë një kompani italiane e industrisë së tele-komunikimit (call center) e cila përfaqësohej nga dy punonjës Italian. Realisht kompani të këtij sektori kanë gjetur vend të përshtatshëm në Shqipëri, për një student të marrë deri ne 300eu/muaj duke punuar 6 ore në dite më duket ndihmë e madhe por ja që nuk paska pasur student rrotull me thonë ata ose të paktën numri I tyre ishte minimal. Nga biseda I pashë tepër të zhgënjyer dhe me konfirmuan pa pikë dyshimi se nuk do merrnin më pjesë në këtë panair (aq sa mund të behet traditë mendoj un), sikurse fillimisht mund të jenë zhgenjyer që dhe une nuk isha e interesuar.. mbase isha personi i katërt me të cilin mund të kishin biseduar.. Pertej ndonje banke të pranishme pjesa ‘work’ e panairit dukej e pa pranishme gjithsesi. Mbase përpos mënyrës jo vizinare, jo profesionale të organizimit të këtij eventi duhet të besojmë se realisht ky kombinim I punës me shkollën është akoma në embrion në kulturën tonë shoqërore, dhe ky fakt do te justifikonte sadopak numrin minimal te atyre kompanive që ishin aty. Por e vërteta është që aty ku reklamohet puna dhe studimi mbase duhet që vetë ata që i organizojnë keto evente të kenë studiuar, e të kenë punuar.

DSK qe gati po behet brand

2011-09-18T20:51:00.003+02:00

Qeshtja DSK

I kam ndjekur me vemendje ngjarjet ne lidhje me Dominique Strauss-Kahn (DSK) qe u perfol me jave te tera ne lidhje me dhunen e presupozuar apo jo ndaj nje ‘femme de menage’ e shkruar shqip ndaj nje pastrueseje hoteli Sofitel. Nje sqarim I vogel per ata qe nuk e njohin ky zoteri ishte koka e Fondit Monetar Nderkombetar, ai ishte nder ato personalitete qe mendoheshin te ishin kandidatet kryesor per zgjedhjet presidenciale te ardhshme ne France.

Ngjarja ne Sofitel te New York-ut sigurisht qe I shkundi reputacionin, dhe e beri te pa diskutueshem moskandidimin e tij per presidencialet e ardhshme Franceze,por nuk eshte kjo arsyeja perse po shkruaj, e verteta eshte qe zoteria ne fjale eshte I martuar tashme prej shume vitesh me nje tjeter vip ne France, dhe pikerisht pas sekuencave te tera te kaluara ne gjykatat New York-eze ajo qe me beri mua pershtypje eshte nje lloj dy-ftyresie e certifikuar. Marrim faktin qe Francezet jane kunder poligamise, pra marteses se nje mashkulli me shume femra njekohesisht, marrim faktin tjeter qe kur doli qeshtja Lewinski ne lidhje me Presidentin e asaj kohe z.Klinton .. te pakten ajo qe beri Hillary implementoi nje periudhe ngrirjeje pra nuk I rrihte krahet bashkshortit qe e kishte tradhetuar. Nderkohe ne rastin e DSK .. e shoqja e perkrahu qe nga fillimi e deri ne fund packa provave qe me se paku deshmojne qarte qe ai e ka tradhetuar. Tani pyetja ime esht c moral na shet monogamia franceze nderkohe qe ne ‘aristokracine’ e saj na serviret nje hipokrizi e tille ne mos de jure te pakten de fakto. Nga ana tjeter dhe mediat fanceze dolen 100% me pronare pushtetare…majtist apo djathtiste,por e shume te se majtes kesaj radhe pasi dhe e djathta fjeti gjume kjo me bent e kuptoj se me sa duket eshte nje praktike normale..thjesht duhet te dali DSK ra qe te certefikohen ..

per ndonjerin qe pyet nuk eshte shkrim per gazete.. thjesht per qejf

Kur krimi mbrohet dhe ushqehet ne familje

2011-09-16T09:32:00.002+02:00

Shtator 2011
Një ngjarje e rëndë është zbuluar sot në qytetin e Korcës pas denoncimit që ka bërë në polici një nënë e re.
J.Z , nënë e 2 fëmijëve, 4 dhe 6 vjec S.Z dhe G.Z ka denoncuar në polici kunatin e saj, vëllain e burrit për ngacmim seksual të fëmijëve të saj.
Korrik 2011
Vetëm një ditë pas skandalit të ndodhur në Devoll ku një 12 vjeçar është përdhunuar nga dy persona, nëna e të miturit ka deklaruar se ky nuk ishte rasti i parë. “Brenda 1 viti djali im ishte përdhunuar afro katër herë, madje njëri nga autorët e ngjarjes e kemi dhe në rreth krushqie

Kategoria më e pambrojtur në këtë shoqëri është ajo e fëmijëve, e pambrojtur nga shteti, që nuk ka një institucion apo qoftë dhe një numër telefoni ku mund të denoncohen prindërit që dhunojnë fëmijët e tyre si përmes «profesionit » të lypsarisë, ashtu dhe përmes dhunës së ushtruar ndaj tyre në formë direkte apo indirekte.
Rastet e fundit që evidentojnë ‘dorëzimin’ më në fund të nënës duke denoncuar dhunimin shumë vjeçar të kryer ndaj fëmijës/ fëmijëve të saj, vetëm pas viteve të tëra apo herëve të përsëritura nxjerrin në pah dy fenomene 1) Fëmijët janë kategoria më e pambrojtur e shoqërisë. 2) Familja shqiptare për hir të ‘turpit ‘ apo « nderit » e kultivon krimin brenda saj . E mbron atë, pse jo ushtron dhe dhunë të një forme tjetër në mënyrë që « turpi » të mbahet i fshehtë sa më gjatë, përse jo në përjetësi. Ndërlikimi i gjendjes, ku viktima damkoset me « turpin » është serish tepër i spikatur. Në të vërtetë pedofilia, incestet , dhunimet ekzistojnë kudo por të mbulohet me kaq forcë krimi në familje me duket fenomen shqiptar.
Në të tilla raste , ndryshimet në shoqëri duhet të nxiten në formë vertikale nga lart poshtë. Shteti duhet të jetë i pari që t’i japë rëndësi mbrojtjes së kësaj kategorie, në mos duke evidentuar policët që refuzojnë të zbatojnë ligjin, pasi sfidojnë anën patriarkalë të problemeve. Pushtetarët tanë, më së paku, duhet të krijojnë një infrastrukturë informacioni ku promovohet qartazi praktika e të denoncuarit të krimit në familje nga vetë familjarët , anëtarët e dhunuar, apo si në rastin më të fundit në Korçë, të nënës ndaj bashkshortit dhe kunatit.
Sigurisht, studimet kanë treguar se sa më pak i arsimuar të jesh aq më shumë do të jesh i/e prirur të jesh viktimë ndaj dhunës apo varësisë financiare ndaj tjetrit. Kështu nëse je gjinia femërore në kombinim me anën patriarkalë të të funksionuarit të shoqërisë shto këtu dhe klishenë e familjës së shenjtë, që nga të tjerët mund të dhunohet, por ti duhet ta mbulosh, e bën të pamundur denoncimin e krimit që ushtrohet brenda saj. Qershia mbi tortë është dhe vetë mospromovimi i një zyrë apo numri telefoni, që mund të ekzistojë në ndonjë shkresë, por që dhe unë si qytetare e thjeshtë nuk e di ku mund të dënoncoj prindërit psh që abuzojnë më fëmijët ë tyre kur vetë unë jam dëshmitare e një ngjarjeje të tillë.

Këto lloj ndryshimesh kaq të nevojshmë patjetër që kanë dhe koston financiare. Ka ardhur koha që përtej promovimit të denoncimit të krimit brenda familjes i cili duhët shoqëruar me një program mbështetës financiar, duhet bërë më shumë rreth njohjës së të drejtavë më bazike të njeriut. Duke ecur në tehun e hollë mes vlerës e antivlerës, pesha që kjo shoqëri po paguan është tepër ë lartë. Ka ardhur koha të jemi më pak gjithologë, të analizojmë problemet e t’u qasemi një nga një. Kështu pra, Ministria e drejtësisë, unë Alida Karakushi, dua të di që nesër numrin e telefonit ku mund të denoncoj prindërit që përdorin fëmijët ë tyrë për lypsari në rrugë, dua të di që mund të këtë një numër ku mund të dënoncoj dhunën që ushtrohet ndaj fëmijëvë pikërisht atyre në vëcanti!
Nuk mjaftojnë OJQ-të e viktimave, zotërinj pushtetarë, është koha të jeni më teknikë e realistë!
Mbase vetëm atëherë do të fillojmë të jemi më pak hipokritë në këtë shoqëri, mbase familja si term do të humbasë njëfarë shkëlqimi, por është pikërisht ky shkëlqim fals mes tjerash që po e dëmton atë.

Ehh

2011-08-22T12:35:00.002+02:00

Eshte dite diellore por qe te percellin nderkohe qe rend rrugeve te Tiranes ne kerkim te nje raporti mjekesor qe me kerkoi kompania ku punoj .. e kuptova qe tere keto vite per fat te mire apo te keq nuk kisha vajtur te vizitohesha tek qendra mjekesore ku virtualisht jam e regjistruar se banoj ne ate lagje.. dhe serish me marrjen e raportit mjekesor u vizitova virtualisht.. kjo sepse doktoresha vleresoi qe meqe do ikte per pushime nuk do kishte kohe te mblidhte komisionin.. un nderkohe dhe pse e dija shume mire qe nuk eshte e drejte te veprohet keshtu .. cuditerisht nuk protestova.. ndjeva brenda vetes se u shqiptarizova taman.. realisht doja te mbaroja pune me ato letrat burokratike ..dhe kerkeses per 1200 leke te reja perkundrejt raportit iu pergjigja po me te njejten lehtesi.. kjo sepse me mungonte “blloku I bardhe”.. nje ze I brendshem kerkonte fature .. por po ky ze thoshte “ rri rehat merre at cope kartoni e ik “ .. pikerisht ne ato momente qe sfidonin inteligjencen time direkte ne menyre kaq brutale .. ajo qe me beri pershtypje ishte normaliteti I sjelljes se doktoreshes qe me kerkoi fiks 1200 leke as me shume e as me pak ne menyren me legjitime te mundur sikurse te ishte gjeja me normale ne bote.. biles biles u habita pak sepse un kisha kartemonedha 1000 lekeshe e 500 lekeshe.. me tha shko dhe thyeji. E kreva ate detyre dhe I dorezova fiks 1200 leke .. pa marre fature .. ajo sigurisht I futin ne portofol .. dhe une sigurisht bera sikur ishte normale e tere kjo situate.. u largova nga ajo qender mjekesore me nje raport qe me quante te afte per pune.. me tre firma qe nuk e di nga I gjeti e me vulen perkatese.. Ishte hera e pare qe u paraqita aty..mbase dhe e fundit. U largova me nje ndjesi te cuditshme..dhe e kuptova qe isha bere pjese e sistemit..dhe nuk e kuptova perse ne largim e siper I thashe doktoreshes “pune te mbare” ..

Mirupafshim Moral

2011-02-11T09:23:00.003+01:00

Kemi folur dhe degjuar shume per sistemin e antivlerave por ne kete vend duket qarte se ai eshte materializuar ne formen me ekstreme . Fenomeni ne fjale ka dy karaktere : 1) Fjalori politik (qe nuk eshte I tille), 2) “Biresimi” nga nje parti tek tjetra I nje antari te ri sepse me sa duket qenka “dhunuar” nga partia “meme”
Elektronizimi nga nje parti tek tjetra, parti keto qe supozohet ti perkasin mendimeve dhe ideologjive plotesisht te ndryshme si majtas, djathtas, apo qendres ne rastin tone per te justifikuar keto kalime duhet te themi se ne fakt partite nuk jane parti jane thjesht grupime njerezish ne forme kopesh qe kane nje kryetar. Kjo nese duam te justifikojme individin, nese duam te justifikojme “ partite” atehere duhet te pranojme qe paska ne perberje antare te “luhatshem” te mendimit ideologjik. Pra behet fjale per nje lloj mbijetese nga ana e te luhatshem-ve.
Nga ana tjeter ka nje fjalor rrugesh qe po shoqeron debatin “politik “. Flitet per :vrases, klysh, lavire, kriminele etj etj. Gati gati sa te gjithe keta aktore politike e bejne pikerisht ate llafazanment te mbushur me elementet e lartpermendur. Pelcasin grushta ne parlament dhe ne e kuptojme se sa shume “politik” eshte bere njeriu i sotem me titullin deputet.
Guxojne njekohesisht te mos shajne grupimin e “majte” apo te djathte”, nderkohe qe duket qarte se ne nuk kemi as te majte e as te djathte e se ne fund te fundit eshte pikerisht mbreti I partise qe gjykohet, dhe se antaret perkates te ketyre partive jane si ato kukullat ruse qe kane imazh pikerisht koketarin e tyre.
Ne te gjithe kete mjegull qe na ofron kriza politike, ku fokusohet “ debati” politik do te kete blloqe te tjere qe po shkruhen, do te kete ujdi te reja qe do te thuren, pres akoma anetar te dhunuar te perqafojne « nenen » e re dhe sigurisht nena e re ti fale duke i hequr akuzat e meparshme te adoptuarit. Ne fund te fundit me zemermadhe se politika jone nuk ka. Keshtu partite tona tashme jane bere « all in one » qe do te thote ato vete te akuzojne, vete te gjykojne dhe vete te falin. Fjala moral mbase me ben jasht mode tani me qofte dhe duke shkruar per te.. ndjese per alergjiket

Kasapet e Shqiperise

2011-01-23T11:36:00.004+01:00

Besoj se nuk ka Shqiptar qe nuk ka ndjere zemerim e indinjate te thelle duke pare imazhet e vazhdueshme te dhunes se 21 Janarit, 3 te vdekur e dhjetra te plagosur, nje shoqeri e shokuar me imazhet tronditese, nderkohe qe pronaret e popullit qendronin ngrohte sa ne kafene e sa ne zyra perballe ekraneve televizive.
Asnjeri nuk u habit nga ajo qe ndodhi, çdo reagim dukej krejtesisht I paramenduar, dhuna e fjalorit ne foltoren e parlamentit doli jashte saj u derdh si nje llave e nxehte e u materializua ne rruge! Vetem se tashme viktimat ishin vete populli kasapet po perdornin hanxharet e tyre
Kush jeni ju qe keni marre peng kete popull! Kush jeni ju qe na e keni shpifur ekranin e televizionit me deklaratat personale! Ju pronaret e partive! Ju pronaret e pushtetit! Si eshte e mundur qe dy individe bashke me kopete e tyre te zedhensave te bllokojne e te vrasin nje popull. A mund te flasim tani me se jetojme ne nje mutacion tjeter te fjales diktature ! Tani nuk kemi nje por dy diktatore qe funksionojne ne menyre paralele!
Po ku jeni o intelektuale, ku jeni ju politikanet e moderuar ku jeni ju idealistet qe e doni kete vend , ku ishit ju qindra OJQ’ra qe nuk dhate as dhe nje sinjal te vetem paqeje ndaj asaj qe po ndodhte me ore te tera . Po ju analistet e partive qe vetem i hodhet gaz zjarrit te konfliktit politik duke mos bere analiza por duke u bere zedhenesat ne media te partive qe ju paguajne!
Po ti president perse u vonove kaq shume me deklaraten tende! Çfare tjeter duhet te ndodhe qe ti te reagoje, perse duhet te vriteshin njerez perpara se te jepje nje deklarate ! Valle ne ngushtimin e kopetencave te paskan hequr dhe te drejten e deklarimit ne shtyp ! ç eshte ky profil i ulet !
Heshtja makabre e atyre qe ne besonim se legjitimisht na perfaqesonin krijoi viktima, etja per mbajtje pushteti krijoi viktima, etja per ardhje ne pushtet krijoi viktima, por viktimat nuk jane 3 as 4 viktimat tashme jemi te gjithe ne por nese do vijojme te heshtim perpara ketyre kasapeve fajtore do te jemi vete ne! Eshte koha qe te krijohet nje grupim i ri ne kete shoqeri nje grupim anti Berisha e anti Rama por mbi te gjitha Pro Shqiperise!

:) end of one more project!

2010-10-23T13:05:00.002+02:00

Diskriminim mediatik

2010-08-25T16:42:00.004+02:00

Librazhd: Biznesmeni vret 28-vjecarin per një femër. Është ky njëri ndër kryeartikujt e shumtë që hapin faqet e para të të përditshmeve shqiptare. Këtu përkufizimi I fjalës femër është thjesht një përkufizim gjinie pasi një femër mund të jetë një cfarëdolloj kafshe.Por si ka mundësi që pothuajse të gjitha të përditshmet shqiptare kanë përdorur këtë lloj emërtimi thuajse në kor, më e keqja është se nuk është rasti i vetëm, etiketime të tilla janë të përdorur shpeshherë dhe nga vetë gazetaret zonja apo zonjusha. Por a qëndron problemi vallë thjesht tek emërtimi? Në fund të fundit a nuk nënkuptojnë këto lloj kryeartikujsh vetë fajësinë e femrave? Ndërkohë nëse analizojmë vetë ngjarje të tilla, zbulohen dy fenomene . I pari ka lidhje me faktin që gruaja ështe qënie e kategorisë së dytë dhe ndërkohe fenomeni tjeter sigurisht është që ajo është pronë e burrit. Në fund të fundit pse mos e shfajësojmë atë që kreu këtë krim duke u nisur nga mënyra se si vetë ne i kategorizojmë gjërat! Kaq e vështirë qenka ti shkruajnë ngjarjet pa u bërë makijazh diskriminues? A është vërtet mos profesionalizëm apo është vetëprostituim i medias ku përpiqet të shitet me gjuhën e injorancës popullore? Eh të shkretët meshkuj” ..

Një popull JETIM

2010-05-11T13:34:00.001+02:00

Kur dashuria për pushtet tejkalon kufijtë e asaj që është e mundur sigurisht që përplasjet janë të paevitueshme. Sigurisht që do të shohim protesta, greva, ironira zëdhënësish, dhe ja vjen nje lojë shahu ku ushtaret na janë bërë mbretër dhe kërkojnë të hanë njëri tjetrin.
Si arritëm deri këtu.. fenomenet e njohura tashmë Berisha, Nano, Rama, nuk janë veçse tregues se jetojmë akoma me të kaluaren, jetojmë akoma me fantazmën diktatoriale të komunizmit fatkeq, jetojmë akoma me gjenealogjine e nderprere të mbretërisë së Zogut kjo thjesht sepse mungesa e traditës për një kulturë demokratike ku rotacioni është fjalëkyç si dhe bllokimi i trendit që mund të çonte pikërisht në instalimin e kësaj të fundit janë bërë traditë në vetvete.
Kështu do të kisha përqafuar me shumë kënaqësi hapjen e kutive, pse jo dhe grevën që po zhvillohet aktualisht nëse nuk do të ishin ngrënë hapat e ndërmjetme të cilat bëjnë që sot kjo e fundit pra greva të duket një formë radikale e ushtrimit të mjeteve demokratike, por si mund ta bëj këtë kur vete PS-ja në zgjedhjet e saj të fundit brenda saj tregoi se fjala demokraci nuk bën pjesë në fjalorin e saj. Si mundet që të besojmë se demokracinë do e vleresojmë me komshijtë në lagje, ndërkohe që atë nuk e vlersojmë në vetë familjen tonë.
E njëjta gje vlen dhe për kryetarin e PD-se, nëse standarti i rotacionit brenda PD-së do të ishte vendosur që në momentin e parë kur PD humbi zgjedhjet sigurisht që sot nuk do të ishim këtu. Sigurisht që sot do të mbështesja qeverine aktuale. A ka sot qoftë dhe një Shqiptar që mund të shohë një lider tjetër brenda PD-së ? Mos vallë vetë ne shqiptarët kemi nevoje për një paternalizëm të tillë, dhe duhet të na adoptoje pikërisht një lider? Por cilat janë pasojat e kësaj praktike:
1- Shembulli Paternalist që përçon vete aktualiteti i lidershipit.
Ai është babai i të gjithëve, ose të paktën I shumicës zyrtare, ka gjithmonë të drejtë, kushtetuta ndryshohet sipas interesave , është lider i pranishëm prej më shumë 15 vjetësh, na është futur në shtëpi, në shkolla, në rruge, do e shohim në çdo edicion informativ dhe sigurisht që do e duam dhe do e urrejmë.
2- Vënia në hije e atyre që mund të kishin një potencialitet të funksiononin ndryshe. Sërish ata sado të mundohen të tregojnë idetë dhe argumentet e tyre në daljet publike në fakt në gjuhën që përdorin nuk janë veçse radio të prishura të vete dialogut politik që zhvillojnë liderat e tyre respektive. Kështu nuk është e habitshme nëse futen si engjëj e dalin si djaj ndërkohë qe ngjisin në shkallet pranë strukturave të larta të këtyre partive.
3- Konsumimi i figurave politike deri aty ku kthehen në të urryer nga një shumicë e vetë popullit të tyre si dhe në Zotër për një pakicë tjeter (shembull: Admirimi i akomshëm ndaj diktatorit Hoxha).
4. Vendosja në kabinetet qeverisëse në bazë të kriterit të qenit besnik e të bindur e aspak në bazë të meritokracisë. Efekti domino ne administraten publike do të arrije deri tek nëpunësit më të thjeshtë fakte këto që janë dëshmuar në sa e sa raporte. Ky efekt kalon më tej tek vetë mentaliteti I një kombi të tërë ku pretendohet se dhe në punësimin në privat zhvillohet e njëjta praktikë. Një kontaminim ky që kalon cdo cak.

5. Një popull që nuk beson më tek politika e tek politikanët, një brez i ri që i injoron komplet ata, e një skepticizëm ndaj vetë politikës ku cdo politikan demonizohet.

Dhe ja ku jemi tek ndarja e pushteteve, më në fund shohim se qeveria respekton kushtetutën, respekton gjykatën duke na berë të njohur se kemi arritur një standart. Por vetë ky konstatim bashkë me emërtimin e akomshëm të demokracise hibride, ecën paralel me atë energjinë që transformohet por nuk zhduket dot, kështu është arritur një standart ose supozojmë se është arritur një i tillë bashkë me mungesën e standarteve të vetë mjeteve, më këtë nënkuptoj pikërisht klasën politike shqiptare, të majtët që besojnë se janë të tillë e të djathtët që kanë po të njëjtin besim. Kështu sërish me standartet lind pyetja: Po sikur të mos ekzistonte BE-ja cila do ishte kryefjala e diskurseve politike qoftë për grevën e qoftë për moshapjen e kutive per hir te standarteve?! Pyetja tjeter që lind është vallë hapja e kutive a do të ndëshkonte realisht ata qe thyen ligjin? Në fund të fundit përse do të shërbente hapja e kutive nëse nuk do të penalizoheshin pikërisht ata që presupozohet se manipuluan rezultatet në KZAZ-të e pretenduara? A do të thotë kjo se pas hapjes së tyre PS-ja do te ftonte sërish gjyqësorin në mes për ndëshkimin autorëve përgjegjes?A mundet qe PS të arrijë qëllimet e saj duke lozur koka-fshehtas me insititucionet herë me parlamentin e herë me gjyqsorin?! Po në fund të fundit si mund të krijohet traditë transparenca ndaj votës nëse pas aktit te hapjes së kutive nuk ka një mekanizem që do të gdhendet qartë në kushtetutë ku mjetet për mbrojtjen e votës garantohen me nene të posaçme meqenëse ligji aktual mund të lejojë hapsira interpretimi.
Një detaj tjetër që karakterizon këtë greve dhe pretendimet e saj, janë pikërisht dekoret e problemeve reale të kësaj shoqërie, papunësia, rritja e cmimeve, heqja nga puna për motive politike thua ti se në këtë mënyrë legjitimimi i kësaj greve bëhet më real, por ajo që është më e rëndësishme është se pikërisht greva në vetvete po bëhet pengesë e trajtimeve të këtyre problemeve reale. Thuajse një vit pa opozitë në parlamentin shqiptar është legjitimuar braktisja e interesave të vetë votuesve të PS-së dhe pse jo nëse duam të besojmë në fisnikërinë e këtyre deputetëve, interesat e të gjithë popullit. Por cila duhet te jete zgjidhja e kesaj krize? E vetmja zgjidhje do te ishte pavarësimi i kesaj shoqërie nga paternalistët që na rrethojnë, nga vetë Berisha, Rama, tëgjithe drejtuesit e partive që humbën zgjedhjet dhe reformimi i partive brenda tyre, çdo zgjidhje tjetër është thjesht një paracetamol që do të hiqte dhimbjen e momentit.
Ndërkohë vijoni të intimidoni gazetarët në veçanti në debatet direkte dhe në kanalet televizive që mbajnë firmën tuaj, sigurisht që ngjallni dhe me shume përcmim. Edhe kauza më fisnike për të cilën mund të bëhet greve ure nëse ka një lider të tillë si Zoti Rama e bën vetë grevën të pabesueshme në qëllimin e saj! Mbase do besonim më shume nese do te ishte një figurë tjetër në atë pozicion.. deri atëherë duhet të jemi pastruar nga pronaret e partive, por për të arritur këtë standart nuk do na ndihmoje BE-ja. Kështu pra hapini kutite ose mos i hapni ato! Mbase tashmë vetë populli e ka kuptuar që është jetim dhe nuk do tia dijë as për grevat, as për protestat e as për festat që ju marketoni.

Thank you

2009-12-31T03:55:00.003+01:00

it was an interesting, beautiful, difficult, year .. full of challenges .. surprises.. I met some great people..and I surely had some unforgeable moments .. with people that became my friends, people that shared the same ideals as me being active at Korpusi i Vullnetareve, I published several articles at the respectable newspaper Tirana Observer, had great moments with students and profs of my univ,I finished two important projects as a professional, beyond all i got to discover another diamond of my Father's past and I became an aunt of a cute little baby girl.. Thank you 2009.. let's hope 2010 will give me and you the chance to set some more beautiful footprints in what will and wish to become a past year 2010.
I do not believe in our chronological sets ..nor on New Year's however I believe in time divisions regulating it through Gregorian Calender or other ... It somehow helps us understand what did, what we do.. where are we heading to..may you all head in what is right on your ideals..one suggestion plant smiles around you no matter the circumstances..

Shoqëri në vend numëro..

2009-12-27T19:00:00.001+01:00

Shqipëria dhe shoqëria e saj po e mbyll këtë vit me një situatë të zymtë diku diku sikur i është vënë një perde paqartësie, kryqëzimesh, dhe paralelizmi Aristotelian mes individit dhe shoqërisë sikur duket qarte tek një individ, Eshtë një vajzë me aftësi të kufizuara, e ulur në karriken me rrota aty tek kryqëzimi i rrugës Sami Frashëri dhe Blv Bajram Curri, bie shi, është ftohtë, ndërkohë fytyra e ngrirë e kësaj vajzë nuk thotë asgjë në dallim me lypsarët me trup fëmije, në dallim me atë zonjën mbipeshë që shoqërohet nga 3 fëmijët e saj tek rruga Dëshmorët e 4 Shkurtit aty para Pastiçerisë franceze të cilës po nuk i fale para nuk do të hezitojë të të ofendojë me fjalorin e saj vulgar. Kjo vajzë duket se është aty pa qenë aty, ka një shikim të ngrirë i cili sikur është ndalur diku, jo nuk tregon moskokëçarje, as mëshirë, e megjithatë sikur është ndalur në një zero, po mos e dija që në fakt nuk ka ngrirë, do shtoja se shikimi i saj është pikërisht i akullt.. ajo nuk do tia dijë as për kuti, as për Kopenhagen dhe përpjekjet e udhëheqësve botërore në lidhje me mos arritjen e një marrëveshjeje për reduktimin e gazit te karbonit në atmosferë, nuk do tia dijë as për faktin se kur u mblodhën këta lider për të zgjidhur krizën financiare që preku gjithe globin marrëveshja u gjet me lehtësi, kjo vajzë nuk do tia dijë se dhe kryeministri ynë ishte i pranishëm atje dhe se në fakt për ne në Shqipëri më shumë bëri lajm premtimi i Obamës për të vizituar Shqipërinë sesa vetë rezultati Kopenhagas. Kjo vajzë nuk do tia dijë as se megjithëse ne Shqiptarëve nuk na u liberalizuan vizat po shohim në media reklamat e qeverisë për liberalizimin e tyre. Nuk do tia dijë se në një ndër takimët e fundit me një promovues të huaj për Shqipërinë ku ministrit iu kërkua të nderonte me pjesëmarrjen e tij një aktivitet për Shqipërinë në Hollandë ministri i kulturës u shpreh se nuk ishte roli i tij ti bente marketing Shqipërisë, kjo vajzë nuk do tia dijë se ky vit po mbyllet duke parë si më aktive ministrinë e Integrimit dhe ate të punëve të jashtme dhe duke mos dëgjuar as dhe njëherë zerin e Ministrisë së punës, duke u ndalur këtu në fakt kam përshtypjen se emrat që kalojnë në këtë Ministri janë më të panjohurit thua ti se në këtë vend nuk punohet.
Diçka më thotë se ajo nuk do tia dijë as se jemi në prag krishtlindjesh, as se në Tiranë sapo u hap një qendër tjetër komerciale me dyqane tepër luksoze por pa tualete, nuk i intereson as niveli i lartë i muzikes së kopjuar tek festivali i Këngës Magjike, as reklamat qesharake të kompanive telefonike ku paturpësisht në njërën ndër to na mësohet masivisht si mund të korruptojmë një rezultat. Por për një arsye që as vetë nuk e di më duket se shikimi i akullt i kësaj vajze qe sigurisht nuk i kalon të 25-tat na sfidon, vallë çfarë duhet të ndodhë që ajo të veshë me një emocion shikimin e saj ..apo ka nje paralelizëm me vetë ne Shqiptarët që jemi lodhur se shokuari, në realitet ka një të vërtëtë të hidhur, shumë te hidhur që na paralelizon vetë ne ne lidhje me qenien e kësaj vajze të re, këta njerëz ne shoqërinë tonë quhen njerëz handikapë.. mua më duket e tillë vete shoqëria jonë, mos vallë ka ardhur koha te thërrasim vetë veten dhe këta njerëz me emrin ‘njerëz me aftësi të kufizuara’ , mbase në atë moment do kuptonim se të qenit i tillë dhe ne si shoqëri nuk do te thoshte se nuk bëjme dot asgjë.. se ka shumë gjëra qe mund të bënim.
Mbase atëherë do kuptonim se për tu futur në Be për të pasur liberalizim vizash nuk mjafton lypësaria e marrëdhënieve diplomatike në korridoret e Brukselit, mbase atëherë do kuptonim se Ministri i Kulturës duhet të ketë të paktën nje skript për punën që i takon, mbase atëherë do dënonim këta prindër që përdorin fëmijët për të lypur rrugëve, e mbase atëherë do dinim të kërkonim llogari për ministritë fantazmë, për plagjiaturen në të ashtuquajturin art shqiptar, dhe vetë gjymtyrët e që bëjnë të mundur funksionimin e ketij shteti do fillonin të njihnin fjalën afat kohor!

Sistem i pa-sistemosur

2009-12-07T00:56:00.004+01:00

Bum bum bum, tak , tak , tak! Po mendoja se po shihja një ëndërr të keqe, dikush sikur po më qëllon në kokë , hap sytë, shoh orën, ajo shënon 8:30 …….ahhh sërish nuk I kalova 3 orët e gjumit ... Pas një jave tejet të rënduar ku netë të tëra kishin kaluar vetëm me 3 ore gjumë shpresoja se të dielën do të mund të çlodhesha disi duke fjetur pak më shumë. Por, jo, nuk është e thënë të ndodhë kështu, po ndërtohet në mënyrë klandestine një kat më i lartë. Pllakat e betonit tashmë ishin transportuar me anë të ashensorit.. e kotë të shkruaj sa shumë u trondita me ato që kisha parë.. kjo sepse banoj në katin e fundit ose të paktën besoja se banoja ose të paktën nuk duhet të besoj më pas pasi jo më larg se në fundin e dy 2 javëve që do vijnë po, kjo ndërtesë do të quhet 9 katëshe!! Marr në telefon të zotin e apartamentit i cili është njëkohësisht ai që po ndërton katin shtesë. I them:
- Nëse do të largohem nga ky apartament ma thuaj në mënyre direkte e jo indirekte, pasi nuk është e drejtë që të dielën të mos fle dot gjumë, besoj se kam qenë gjithmonë korrekte me juve dhe kishim vendosur që të paktën të shtunën e të dielën ti ndërprisnit punimet!
-Ohh më vjen keq, por duhej patjetër ta mbaronim këtë punë pasi të shtunën dhe të dielën ata krokodilët nuk janë rrotull – Mbyll telefonin e inatosur dhe I dorëzohem gjëndjes së pagjumë, krevati im I rehatshëm tashmë dukejj I parehatshëm..
Një situatë absurde, po mendoja dy ditë më parë teksa po zbrisja me ashensor, shoh përpara një nga punëtorët i cili qëndronte përballë ashensorit, ishte rreth të 45, ose dukej kështu nga lodhja, i veshur me ca rroba tipike punetorësh, ngjanin si të lyera me bojë të zbardhura apo të lyera me të bardhë, flokët i kishte të një ngjyre as bardh as zi, gri do thoja, por jo, as gri, paruke.. doemos që nuk i kishte pasi dukej një pjesë e mire pa flokë ..por ja ishte një ngjyrë që nuk kuptohej..po i quaj flokë të pluhrosur. Ndonëse e ndjeja se ç’po ndodhte lart e pyes - çfarë po ndodh lart- ai sikur ul kokën dhe më thote po ja po izolojmë tarracën që të mos futet lehtë nxehtësia apo i ftohti nga lart- ehhhhhh i them unë ju lutem shumë mos u tallni me mua e di shume mirë që nuk është kështu ...por nejse nuk është faji juaj, shtoj unë.. pasojnë disa sekonda heshtjeje dhe ai thote - Kapitalizëm i egër moj motër... ehh shfryj me vete jetojmë në vendin ku ligji ka ikur me pushime të përhershme..dhe sërish po mendoja përse duhej ta vija në situatë për të më genjyer, mendova dhe tjetrën ky u përgjigj për kapitalizmin sipas komunizmit.. dhe motër..
Pashë 3 apo 4 punëtorë këto ditë, dëshmonin njëlloj ulje koke para meje, doemos ishin të porositur të ishin sa më diskret dhe kokëulur…pastronin mirë dhe ashensorin nga grimcat betonike, që të mos linin asnjë gjurmë ..dhe ndërkohë që dola në mëngjes , drejtohem tek ashensori një ndër punëtorët po qëndronte tashmë para tij, kokëulur, un mbaj kokën drejt.. ashensori hapet un futem, por ky punëtor qëndron nuk futet brenda. I them – po ju nuk do zbrisni ? Po- më thotë. – Po atëherë ç’prisni ? – Faleminderit thotë ai dhe futet. Ashensori zbret katet dhe as un as ai nuk e shohim njëri-tjetrin, dera hapet dhe dal, vërej se hapat pas meje jane shumë të ngadaltë thua ti se aq në faj dhe të frikësuar ndiheshin ata punëtorë saqë doemos duhet te ktheheshin në fantazma për të bërë të mundur krijimin e materies kati i 9-të. Dhe patjetër në vendin tim mos guxoni të thoni sa katësh është pallati ku jetoni, mund tu marrin për gënjeshtar, pasi bie në gjumë në një ndërtesë 8 katëshe dhe mund të zgjohesh në një 9 katëshe.. tani pyetja lind jemi apo nuk jemi në vendin e çudirave..

Kushtetuta e Moralit

2009-12-03T16:33:00.003+01:00

Ndërkohë që historia e civilizimeve mësoi nga morali nxjerrjen e ligjeve, në Shqipërinë tonë është ligji që po kundërshtohet nga morali një moral i pamoralshëm, ky i fundit sepse tani e prapa do të na duhet që politikanët t’i shohim si profetë e zotër që kanë të drejtë të na akuzojnë e gjykojnë, që të paktën me deklaratat publike të kanë dënuar pa të dhënë të drejtën e avokatit e të vetëmbrojtjes. Më 1225-ën, Magna Carta në mbretërinë Angleze, u bë elementi i parë i asaj që sot quhet e drejta e njeriut, elementi i parë i asaj që quhet ndarje pushtetesh, duke e parë fenomenin në këtë prizëm, shohim qartë që politikanët tanë përkasin një epoke të errët. Akuzat dhe komentet e përfaqësuesve më të lartë të politikës shqiptare mes shumë të tjerave kanë frymëzuar një sistem që i përket epokës mesjetare, kanë zhvlerësuar para vetë nesh njëherë më shumë imazhin dhe popullaritetin qe kishin këta politikanë, kanë frymëzuar thashethemin mbret dhe mbi të gjitha legjitimojnë atë. Nuk do të hyj të analizoj thashethemet e dala nga të dyja krahët e kësaj beteje pa fund, nuk më intereson nëse u thanë të vërteta apo gënjeshtra, por fenomeni. Duhet të pranoj se gjithmonë më ka bërë përshtypje nevoja e thashethemeve, kisha arritur deri aty sa të mendoja se në fakt është boshëtia e vetë personave të cilët bëjnë thashetheme të cilët në kërkim të funksionimit te motorëve të motivimit të qenies së tyre kalojnë tek gjykimi i jetës se të tjerëve. Besoja se kjo lloj mënyre e të menduarit i përket tashmë një shtrese më pak të civilizuar, më pak të shkolluar e mbi të gjitha të papunë për vet faktin e mos pasjes së një aktiviteti, pra më së shumti plakat që kanë kaluar 70-at, shtëpiaket e dëshpëruara, familjet ku jetohet përjetësisht në familje etj...etj. Sërish këto thashetheme bëhen në fshehtësi. Por të dëgjosh një kryeministër, një kryetare Parlamenti, të përdore një fjalor të tillë, natyrshëm lind pyetja: Si ka mundësi?! Të dëgjosh kryetarin e një partie si PS-ja të flasë në mënyrë të tillë, siç është dëgjuar shumë herë të shajë gazetarët, sërish thua: Si ka mundësi? Vetë fyerjet e përdorura nga këto figura të hierarkisë së politikës Shqiptare, më kujtuan zënkat e fëmijëve, ik se ti je i shëmtuar, ti je i shkurtër, hunda jote është e shtrembër, ti je bullafiq etj...etj.
Ka një lloj radikalizmi në këtë mënyrë të të shprehurit, një radikalizëm që e gjen vetëm tek ata që nuk e njohin fjalën emancipim, edukatë, kulturë a të shprehurit në mënyrë civile, nuk njohin të drejtat e njeriut dhe mbi të gjitha trashëgojnë mënyrën e krijuar nga sistemi totalitar që përjetuam shekullin e kaluar. Kjo mënyrë e kishte emrin njeriu ideal i futur në kornizën e asaj që quhet moral, morali sipas një spektri vlerash që vetëm vlera nuk nxorën por nxorën njeriun e antivlerave. Kështu matematikisht nëse nxjerrim totalin e fyerjeve të shqiptuara nga hierarkët e politikës shqiptare, do të kuptojmë se në realitet mesazhi indirekt që ata na përcjellin është krijimi I një legjislature të re, një kushtetute të re që mban emrin Kushtetuta e Moralit. Duhet pranuar se krijimi i një të tille do të bënte xhelozë të gjithë religjiozët e planetit Tokë.
Këto replika fyese kanë fyer të gjithë ne, por mbi të gjitha po mendoja cilën pjesë të të ardhmes se Shqipërisë frymëzojnë ? A do të ketë ndonjë fëmijë që do të ketë si ideal kryeministrin, kryetaren e Parlamentit, kryetarin e partisë më të madhe opozitare?
Përfitoj nga rasti t’i bëj një apel të gjithë shqiptarëve e në veçanti atyre që kanë një familje. Sa herë që shfaqen në kanalet TV këto figura politike, bëni zapping, pra ndërroni kanal ashtu si mund të ndërrohet kur ka një emision, film, spektakël me një shenjë me pullë të kuqe. Propozimi tjetër ftoj të gjitha kanalet televizive t’i shfaqin këto fjalime, deklarata pas mesnatës dhe me një lajmërim: Ndalohet ndjekja e këtyre sekuencave nga fëmijë nën moshën 16 vjeç, sepse nëse jo fëmijët tuaj do bëhen një produkt që nesër , pasnesër do të përdorin pikërisht këto sharje ndaj njëri-tjetrit e përse jo ndaj vete jush.
Përse një apel i tillë, kjo sepse të gjitha këto deklarata kanë dalë nga individë që ishin të ulur në foltoren e Parlamentit, atij Parlamenti të votuar nga ne, këto deklarata kanë dalë nga institucionet që politikisht, zyrtarisht na përfaqësojnë të gjithë neve, përfaqësojnë kulturën tonë, të paktën kishin mundësinë të përfaqësonin anën pozitive të kësaj kulture. Së dyti, këto deklarata po të skanohen nuk janë as politike as diplomatike por deklarata rrugësh, duke lënë mënjanë thirrjet indirekte të luftës që bëjnë këto akuza pyetja që lind është: A e kuptojnë vallë gabimin këta politikanët de jure??! Do të vijë koha kur të shohim pak etikë në fjalorin e politikës shqiptare?! Apo hapi tjetër regresiv do të jetë kushtetuta e moralit?!

Vajza në BRONZ..

2009-11-22T20:51:00.003+01:00

Shkoj shpesh të kreh flokët e mia tek kjo parukierja që zbulova para disa muajsh dhe që për fat të mirë nuk ndodhet larg adresës sime. Më në fund mendova se gjeta një parukiere që nuk të pyet tërë kohës pyetje si: ku punon, a je e lidhur apo beqare, a je e martuar apo e fejuar a ke vëllezër apo motra etj etj, gjithmonë më ka bërë përshtypje kjo nevojë a panevojshme e këtyre pyetjeve në parukeritë e Tiranës. Kështu megjithëse nuk shkoj shpesh në parukeri u bëra një kliente e besuar e kësaj të fundit. Eshtë një vajzë e re rreth26 vjeç, e veshur në mënyre moderne dhe praktike njëkohësisht. Flokët I mban deri tek supet dhe I ka bërë me disa fije të bukura bjonde, të jep përshtypjen se është e pavarur, dhe vërtet e shkathët. Disa herë kam vënë re se aty mblidheshin disa vajza që bisedonin për asgjë dhe për gjithçka, kështu duke qenë se veshët punojnë në mënyrë rebele mësova se ka një djalë 10 vjeçar dh të shoqin nuk e ka në këtu. Fenomeni I emigracionit e bën krejt normale faktin e të pasurit të bashkëshortit jashtë ndaj dhe deri këtu nuk mendoja për asgjë të jashtëzakonshme. Ndërkohë televizioni në vendin tonë është I domosdohëm si mobiljë dhe në parukeri, kështu BBF ndiqet rëndom, dhe komentet për këtë këngëtare apo tjetrën nuk kanë të sosur.
Në skenë del një këngëtare shume popullore aktualisht, Më pyet: Mos I ka bërë gjë buzët ajo?
-I them nuk e di por nuk ngjan sikur ti këtë bërë, më duket natyrshëm shumë e bukur!
Por Keti (parukierja) përdredh buzët dhe thotë:
- Aman se nuk ësht pale çfarë, shih si është veshur si …
Reagoj dhe I them:
-Ti themi gjërat siç janë për atë që po bisedonim dhe të mos e përziejmë bisedën,d he në fund të fundit sado banal të jetë luku I njërës apo tjetrës këngëtare nuk mund ti vëme nofka apo epitete pa e njohur fare atë..
Shpjegimet e mija do shkonin dhe më tej, por më dukej e tepërt për Ketin, biseda vijoi tek nevoja e gjithsecilit për të udhëtuar, ndërkohë që un po mendoja sesa kontradiktor mund te jete paraqitja apo stili modern I të veshurit me mendjen e vetë personit.. Por pikërisht e shtyrë nga kjo bisedë e shkurtër Keti filloi të më tregontëpër veten e saj..

“Më martuan të re fare.. familja isha vetem 15, fëmijë.. pas 1 viti më lindi djali por ndërkohë vetë familja ime vëllezërit e mij ishin të bindur se un duhet ta lija atë. Këmbëngulën që të ndahem, dhe un u riktheva tek jetesa me prindrit dhe vëllezërit e mij. Jeta ime ka qenë një skëterrrë e vërtetë..isha njeriu që ka faj, gjithmonë faj, tani që jetoj prej kohësh me prindërit, vëllezërit e mij dhe nuset e tyre duhet të pranoj se jam njeriu i shënjestruar i çdo dite. Prindërit e mij gjithmonë kanë mbështetur vëllezërit , në kontradiktat tona un isha në mënyrë të padiskutueshme gabim, gabim, deri aty sa te haja dru nga vëllezërit e mij ishte shumë e natyrshme, por ajo që me shqetëson tani ështe se dhe djali im duke jetuar në këtë ambient kam frikë se do te bëhet pikërisht si ata. Vellai im që eshtë 3 vjet më I vogël se unë më kontrollon në mënyrë brutale, nuk guxoj të mbaj as telefonin të hapur, pasi patjetër ai do të kontrollohet, duhet të kthehem para orës 8:30 në shtëpi sepse ndryshe un jam ajo e rrugës ajo e pavlefshmja ajo që përveç se po e mbajnë po I turpëron ata”
Këto fjalë që dolën me një rrëmbim kaq të madh, më ngjasuan me prishjen e një dige të një lumi ku nuk e ndaltë asgjë më. Një ujë I ashpër , I ftohtë, me rrëketë në ajër që mblidhte të gjithë ato shkëmbinj që haste përpara pë pyetur, pa u frikësuar , I vendosur ti japë fund një luftë me rrënje te thella sa ç’mund të ishte vetëdija e fëmijërisë. Flokët e mija sikur po shtriheshin vetë tashmë pas atij rrëfimi të ashpër.. kaçurelat besnik nuk ishin më u dorëzuan me lehtësinë më të madhe .. dhe sytë e mij vërejtën për herë të parë se si ajo vajzë të cilën e kisha pare si autoritarë, të qeshur dhe të shkathët po kthehej në një qënie më të brishtë se vete fjala brishtësi. Uli për një momënt pllakatat e hekurta që parukieret I quajnë “pjastër” dhe më kërkoi ndjesë për lotët.. ndërkohë un u vonova pak në përgjigje si shprehje e qartë e pamundësisë sime për të parashikuar një situatë të tillë sot të dielën.. I thashë.. - të lutem vetëm falje mos më kërko… Në mënyrë të drejtpërdrejtë I thashë se duhej të largohe që aty..! I them më mirë veshtirësitë që të japin shpresë sesa komfortet mizerabël, Kërko një apartament tjetër dhe jeto e lirë pa presione, pa kontrolle, pa influence dajallore tek djali yt..dhe ajo pohon me kokë por më thotë që nuk e ka të lehtë.. pasi nëse do ta bënte atë ajo do të merrte epitete të ndryshme.. qe do ta shkatërronin.. më thotë e vetmja zgjidhje është të largohem nga Shqipëria bashkë me djalin tim kështu të paktën ata nuk do të thonë që un u largova për këtë apo për atë, por sepse jeta diku tjetër është me e përshtatshmë per mua..kështu të paktën vetë opinioni do ti mbrojë dhe ata.. Një ofshamë nga ajo, që pason me një ofshamë nga unë për atë ..mbaroj. I lë 200lekë më shumë.. dhe dal, ec në të ftohtë duke menduar se për herë të parë dola nga nje parukeri pa e parë në fund veten në pasqyrë..

Pana-qumështi i librit

2009-11-17T13:02:00.002+01:00

E prisja me shumë kënaqësi Panairin e Librit, si dikush që i adhuron librat, por u përballa me një zhgënjim që nga forma e organizimit të këtij aktiviteti e deri tek përmbajtja e tij, pra vet librat. Çuditërisht, disa gjëra vërtet duken që nga pamja. Duket sikur sëmundja e ngjyrave të pallateve të Tiranës ka pushtuar dhe afishen ftuese në Panair. Disa ngjyra ylberi që të ftojnë në Panairin e organizuar nga Shoqata e botuesve që tregon se nuk kane vizion në marketingun e tyre, e nëse këta nuk kanë ç’mund të presim nga të tjerët. Në të vërtetë, imazhi më kujtoi reklamën e një kompanie bojërash si ASTIR-i që reklamonte prej një kohe jo pak të gjatë në disa televizione.Në pamje të parë, kjo afishe mund të ngjante si ftesë për një Panair të Librit për fëmijë. Gjithsesi, sado që përmbajtja e librave ishte e larmishme, mënyra e konceptimit, e funksionimit të këtyre shtëpive botuese duket tejet amatoreske, tejet e keq shfaqur, të paktën kundrejt lexuesit shqiptar, që ka dy lek për të blerë ata libra, libra këta që në përgjithësi janë shumë të shtrenjtë për xhepin e shqiptarëve.
Së pari, vetë emrat e shtëpive botuese janë vshtirësisht të kujtueshëm. Kjo për hir të emrave që frymëzojnë amnezi. Për fat të mirë ka dhe nga ato që mbajnë emrin e të madhit Fan Noli apo Gjergj Fishta, gjithsesi dhe aty nuk e di si mund ta masim cilësinë e veprave të botuara. Por është interesante të zbulosh se shumica e universiteteve private kanë ngritur dhe nga një shtëpi botuese. Pa dashje, na lind një pyetje mbi materialet akademike që këto universitete, ende pa traditë, guxojnë të servirin tek studentët e tyre. Çështja nuk është thjesht tek librat që ata u shesin studentëve, por dhe tek cilësia e përmbajtjes apo e përkthimeve të këtyre materialeve akademike, apo të ashtuquajtura të tilla.
Kështu, po t’i marrim me radhë detajet, librat dhe autorët, do të vërejmë më shumë përkthime të autorëve të huaj, shpesh autorë të përkthyer nga përkthyes të ndryshëm. Sigurisht, fillojmë dhe dyshojmë tek cilësia e përkujtimësia dhe të drejtat e autorit. Në fakt, kjo bëhet më e dukshme teksa shohim me shumicë përkthime të autorëve si Daniele Steel, ku për disa shtëpi botuese të tjera ajo quhet Daniel Still. Nuk mungonte dhe Teodor Drajzer me Tragjedinë Amerikane, thua të jen vërtet klasikë këta autorë ?! Nga ana tjetër, At Zef Pllumbin me veprën “Rrno vetëm për me tregue” e gjejmë vetëm tek një shtëpi botuese. Një detaj tjetër tepër interesant ishte prania e fjalorëve të ndrequr apo të përmirësuar të quajtur plot ndershmëri si të tillë. Duke vijuar me fjalorët mos u habisni të mësoni se ne botojmë më shumë fjalorë Anglisht-Anglisht, Italisht-Italisht, e më pak fjalorë Shqip-Shqip. Së dyti duke analizuar librat e përkthyer nga përkthyesit që përkthejnë libra ballkanike nga italishtja apo anglishtja, duket sikur duam ta përqafojmë me zor Evropën Perëndimore. Ndërkohë, po të vijojmë me cilësinë e printimeve, sërish fjala rregull, nuk ka kurrfarë kuptimi. Do vërejmë libra të prerë valë-valë, dhe patjetër, tek ne është krejt normale. Nuk jam kundër librave fetarë, por është e pafalshme që në panaire të tilla të bëhet propagandë agresive fetare, siç është afrimi deri tek hunda për të më falur Dhiatën e Re. Por ajo që i vë kapakun atyre orëve që mund të kalosh tek Panairi i Librit, është se po mbylle sytë qoftë për një moment, mund të mendosh se je në pub, kjo sepse nuk bëhet fjalë thjesht për sfond, por për një volum që do ta kishte zili çdo disko. Po të hysh tek repertori muzikor sërish një repertor muzike pop e rock, pa frikë mund të dëgjoni Shakirën në ditët që kanë mbetur për të vizituar Panairin. Nëse në lokale muzika e lartë mund të jetë nxitëse e konsumimit, nuk besoj se e njëjta gjë ndodh me shitjen e librave. Kuptohet, si për ta mbyllur, dhe vetë spikerja që lajmëronte për promovimet e librave kishte një zë të ashpër e pa kurrfarë emocioni, thua ti se nuk po fliste për libra por për ndonjë produkt banal. Ja dhe një aktivitet amator i radhës. Do vijë koha kur do të shohim pak profesionalizëm?

Pafundësi e kufizuar

2009-10-26T22:58:00.005+01:00

Jeta është herë lum

herë rivierë

herë det

herë oqean

por mbi të gjitha është një moment...

një moment i shkurtër..

.. një moment i gjatë..

Deliri i politikës shqiptare

2009-10-15T16:09:00.000+02:00

Nuk kam njohur njeri më punëtor e më të drejtë sesa babai im. E megjithatë më kujtohet kaq mirë periudha e 96-ës ku po lulëzonin piramidat financiare shqiptare, me kujtohet sesi babai im habitej me te afërmit e mi qe ”investonin” tek Xhaverri, Sudja, etj., dhe që pas një muaji merrnin nga 50% deri në 100% të shumës së stivosur në këto pseudo-institucione financiare. Kjo ishte tema e vetme e bisedimeve familjare të afërmit që i thoshin babait:

Po ti pse nuk i ke futur lekët aty, unë dalëngadalë do ble shtëpi, por babai im besonte se ishte vetëm puna ajo që të bën të fitosh para, dhe megjithëse realiteti moral ndaj asaj që quhet relacion punë-para po përmbysej sërish, babai im nuk dorëzohej dhe nuk i fuste paratë në këto gangrena financiare. Por ja që më në fund ose më saktë para fundit të fundit, deliri kishte kaluar caqet dhe të gjithë po ushtronin trysni ndaj babait tim që dhe ai t’i fuste ato pak milionë lekë që kishte në këto “banka”. Më në fund kjo ndodhi, dhe pikërisht besoj se babai im ishte ndër të fundit e mohikanëve të asaj kohe, ishte pikërisht ndër ata që humbën me H të madhe.

Ne fakt, kjo shoqëri e sotme shqiptare, gjatë tranzicionit të pafundmë 20-vjeçar, ka një detaj që e ka shoqëruar në mënyrë konstante. Ky detaj e ka emrin shkrirja mes asaj që quhet vlere dhe antivlerë. Një miksim i çuditshëm, shumë herë më shumë i pakuptueshëm sesa i kuptueshëm, pikërisht sepse ky detaj ka veshur më së miri ata që sot përfshihen në këtë klasë politike. Një makiavelizëm i pafund që duket sikur është lexuar më së miri nga liderët tanë.

Kështu nuk arrij të kuptoj mishmashin e krizës së padeklaruar në PS, kur them të padeklaruar nënkuptoj mënyrën se si funksionon ky institucion politik, kjo sepse ndërkohë që kemi një kod zgjedhor të sugjeruar nga vetë kjo forcë politike ku qartazi shkruhet se mund të kërkohet pavlefshmëria e zgjedhjeve, përkatësisht Neni 160 pika 2,3,4:
2. “Subjektet zgjedhore, brenda 3 ditëve nga shpallja e rezultatit nga KQZ-ja ose, sipas rastit, KZAZ-ja, kanë të drejtë të kërkojnë në KQZ shpalljen e pavlefshmërisë së zgjedhjeve në qendra të caktuara votimi.
3. Kërkesa për shpalljen e pavlefshme të zgjedhjeve duhet të përmbajë shkaqet ligjore, përshkrimin e rasteve të shkeljeve dhe arsyetimin e detajuar për pasojën e tyre.”

Opozita shqiptare ka zgjedhur bojkotin me arsyetimin e moshapjes së disa kutive të votave të shqiptarëve që mbahen me të padrejtë të hapura të paktën sipas tyre. Por a është bojkoti zgjedhja e duhur, a është ky reagim politik mënyra e duhur për të bërë opozitë? Ajo që është më revoltuese, është se pikërisht kjo parti që pretendon se lufton për votat e shqiptarëve që ato të lexohen, në zgjedhjet për kryetarin e “ri“ të saj, i hodhi poshtë të gjitha këto standarde. Dhe shifra 93% u duk se ishte perdja më e qartë që na lidh me mentalitetin e autarkisë. Me mentalitetin e sistemeve politike më të prapambetura në botë. Jam e sigurt që ky detaj që vetëm i tillë nuk është, në lidhje me demokratizimin e PS-së është vënë re nga shumë, por nuk është ky detaj që më shqetëson aq sa me bën të tillë detaji plotësues, e thënë më qartë mbështetja e verbër që po i japin kësaj praktike figura të njohura të skenës publike shqiptare. Përmend këtu ish-presidentët, përkatësisht Mejdani e Moisiu, e pse jo dhe mbështetja Zapatteriane matanë Mesdheut. Përmend këtu dhe ata që pretendojnë se janë e ardhmja e standardeve të reja në politikën Shqiptare si rasti i G99-ës.
Sërish filozofia e dekorit plotësues mbështetës është bardh e zi. Domethënë meqenëse jemi kundër do të përqafojmë aleatin tonë të tej mëkatues vetëm e vetëm se dhe ai është kundër.
Ky fenomen pseudoidealist që sërish vetëm idealist nuk është, po krijon dy pasoja shumë të thella. E para është se vetë opozita po bëhet qesharake, dhe e dyta është se nuk po bëhet Opozitë, efekti kryesor është se tani pozita mund të hedhë valle, riciklimi i figurave politike që sigurisht nuk duheshin të ishin pjesë e asaj qeverie, tanimë nuk përbën problematikë për PS-në. E mbi të gjitha ndryshimi me politikën e kalbur aq shumë të reklamuar nga PS-ja është bërë pjesë e ekosistemit të vetë kësaj politike të kalbur. Në realitet, përtej së djathtës e të majtës po shkon në një humnerë reale, ku humbësi më i madh do të jetë vetë kjo parti. Në një vend si i yni, ky lloj fenomeni po bëhet traditë dhe aty ku ka traditë negative nuk mund të pritet përparim apo progres. Në fakt, kjo traditë është pikërisht miksimi i çuditshëm që ndërkohë që më lart e quaja një përzierje e vlerave me antivlerat tani po merr formën e pastër e puro të antivlerave. Pasojat e tyre do t’i ndjejmë më shumë te e ardhmja e Shqipërisë edhe pse jo G99-iste!

lotet

2009-10-11T13:31:00.002+02:00

i urrej lotët

sepse më xhveshin

... duan njëri tjetrin

nuk vetfshihen..

kështu duhen tharë

kërkojne miq përballe teje

janë te pamëshirshëm

të bëjnë të dorëzohesh

janë tradhëtarë..

Made In Albania

2009-10-07T10:53:00.005+02:00

Në këtë mal bombardues nga lajmet pa lajme që na servilen, bëra një dietë le të themi pikërisht nga bombardimet mediatike, jo nuk shkova për pushime, nuk u largova nga Tirana, thjesht TV-ja mbeti i pa ndezur për plot dy javë të tëra dhe mënjanova po ashtu dhe shtypin e shkruar. Nuk e di në ishte hapja e ndonjë universiteti planetar apo galaktik, nuk e di në ishte beteja pa betejë brenda PS-së, sikurse lufta pa luftë jashtë saj, ku shohim bojkote dhe nuk shohim kërkesë pavlefshmërie zgjedhjesh, nuk e di në ishte prania e cinikëve të përjetshëm tek opinionet televizive që filluan të përhapen si kërpudha nga një kanal në tjetrin por di që për plot dy javë të tëra, bëra një test në veten time pikërisht sepse po më dukej se gjithnjë e më shumë pasqyrimi mediatik ishte larg realitetit të përditshëm ku jetojmë.
Por tani pas dy javësh regjimi mediatik, vëmendja ime u përqendrua tek këto të parëndësishmet…tek qesja e plehrave që komshia lë para derës e ku unë ia ndjej erën atyre sa herë që hap derën time, tek ata adoleshentët që qeshin sepse të qëlluan me një kërcell misri pas koke, tek shpejtësia qartësisht mbi 80 km në orë në mes të qytetit, tek dyqanxhesha që i servir para meje një djaloshi të bukur që në fakt ishte në radhë pas meje. Këtu shtoj dhe atë shitësin e mishit në pjesën gjumashe të Bllokut që e ka të varur atë kofshën e mishit në grepin gjigand, e vetë ulet në shkallët e dyqanit, ndërkohë që temperaturat janë akoma rreth 30 gradë. Pikërisht në këto të parëndësishmet bën pjesë dhe ai pseudo artizani që më montoi dollapin e rrobave dhe që për një orë mori 4000 lekë (të reja kuptohet), e që më bëri të mendoja se në fakt ai paguhej shumë herë më mirë se unë që përdor më shumë trurin, e që të nesërmen, po këtij dollapi i ranë menteshat dhe desh pësuam një aksident real në shtëpi. Tek këto të parëndësishmet bën pjesë dhe montimi i kondicionerit i cili sërish kushtoi më shumë së 7000 lekë të reja, fillova të mendoj se mbase duhet të bëj një kurs për teknikë kondicionerësh, eh ashtu pa dashje…sërish po mendoja se në shoqërinë tonë, truri nuk vlen asgjë… Dhe ndërkohë kam parasysh ofertën e fundit të bërë nga alb telekom për më pak së 1000 lekë në muaj për internetin, ata të falin dhe dy muaj ashtu sikurse të falin dhe instalimin, por ja që megjithëse oferta ishte mes 21 dhe 31 tetorit, tani që jemi më 29 dhe do gdhihemi më 30, kam parasysh se megjithëse bëra një kërkesë për nr. fiks më dt. 22, ata të Alb Telekomit akoma nuk janë zgjuar…u pa puna iku dhe kjo ofertë…mbase do më telefonojnë të hënën për ta instaluar atë, por ja që unë nuk do jem më e interesuar.
Por, ndër këto të pa rëndësishmet, bën pjesë dhe fakti që për të tretën herë zhvillova një takim pune më personin e gabuar…për të tretën herë radhazi brenda një periudhë 6 mujorë, personi në postin në fjalë pushohet nga puna. Nuk bëhet fjalë për një biznes të parëndësishëm, përkundrazi pa dashje pyes se si është e mundur që të shkarkohen kaq lehtë nga puna këta punonjës…tek ajo zonja në rrugë që vijon të më bekojë duke pritur t’i fal ndonjë monedhë por që më mallkon sapo kaloj hapësirën 20 cm.
Sërish tek këto të parëndësishmet futet dhe faqja zyrtare e MOI (Ministrisë Brendshme) që është akoma nën ndërtim, natyrshëm më kujtohet Luigji i 14-të dhe dekorimet a la baroque virtuale që ministri i ri i brendshëm mbase ka ndërmend të bëjë, ndërkohë sondazhi i javës tek dritarja e ministrisë se Integrimit është nëse mendoni se presidenca suedeze do ta shqyrtojë brenda këtij viti kërkesën e Shqipërisë për statusin e vendit kandidat në BE? Dhe opsionet janë: Po, jo dhe nuk e di?! Kërkoj të mendoj kush mund të jetë hartuesi i një sondazhi të tillë, mos vallë ministria e Integrimit e pret përgjigjen nga ne?

Tek këto të parëndësishmet bën pjesë dhe faqja zyrtare e Bankës së Shqipërisë që në adresarin e saj të zyrave qendrore të bankave në Shqipëri ka mbi 30 për qind të adresave të pasakta. Tek këto të parëndësishmet futet dhe faqja zyrtare e Bashkisë së Tiranës ku për të bërë një kërkesë online lexon « mbimri» e jo mbiemri lë mënjanë vetë hartën ë Tiranës që ka mbi 10 vjet që nuk është rifreskuar. Tek këto të parëndësishmet bëjnë pjesë dhe pushuesit që erdhën të lodhur nga pushimet të cilët gati gati sa filluan të më bëjnë të kem mëshirë për ta. Për fat të keq, të gjitha këto detaje sot klasifikohen të parëndësishme por pikërisht ky cilësim i tillë e ka emrin Made in Albania.
Tirana Observer 6/10/2009

Amatorizmakademizmi

2009-09-30T00:50:00.005+02:00

Ne pritje te universitetit kozmik ne Shqiperi po kenaqemi me ate Planetar, UFO, Kristal, etj etj. Duke dale krejtesisht jasht asaj ane qe tashme eshte komentuar pafund, me te drejte dhe kjo, dua te kap nje ane tjeter, pikerisht mungesen totale te marketingut me sakte vizionit qofte dhe zgjedhjen e emrave te ketyre universiteteve. Konkretisht gara per te dhene nje emer sa me te madh po i ben emertimet e ketyre universiteteve me shume se qesharake. Maratona per te vene emrin me te shkelqyer me te madherishem behet njeherazi nje gare krejtesisht amatoreske per ata qe duan te nxjerrin liderat e se ardhmes apo biznesmenet avangardiste.
Marrim emrin Kristal dhe kristalizimii i se ardhmes, çfare nocioni akademik fshihet pas ketij emertimi? Çfare historie ? Çfare simbolizon ? Meç kritere eshte zgjedhur ky emer ? Me gjithe respektin per keta akademike qe tanime po punojne njeherazi ne disa universitete nga njeri universitet i emertuar kaq çuditshem tek tjetri serish gjej vend te them se pikerisht ne keto univ peshku duket se qelbet nga koka. Patjeter ketu verejme nje mungese te thelle profesiobalizmi, nje mungese te thelle mendimi apo reflektimi pikerisht nga biznesmenet e ketyre universiteteve perkatese.Ne fakt nese ndonjeri nga keta univ do te nxirrte studente marketingu do ishte shume interesante te mesoje se keta jane punesuar diku. Kjo per vete faktin se ky lloj profesioni nuk futet shume nen ombrellen epuneve qe mund te gjinden me te njohur siq ndodh rendom ne vendin tone, vecanerisht ne administraten shteterore te tejngjyrosur.
UFO si emer me ka bere gjithnje per te qeshur. Nuk e kam kuptuar se me ç'llogjike ne bote mr gjithe kombinimet e mundshme te inicialeve te menduara nga vete biznesmeni ne fjale serish nga pikpamja e marketingut kombinimi nderkombetarisht i njohur i ketyre tre germave te ben te mendosh per alienet apo objektet fluturuese te paidentifikuara. Te rrezikosh me emra te tille ne nje vend tjeter Europian do te thoshte mbase falimentim i parashikuar por patjeter qe ne vendin e paradokseve nuk ndodh keshtu.
Por universiteti qe me ka habitur ishte universiteti Planetar, po mundohesha te futem nen lekuren e atij qe e ka menduar kete emer dhe sado qe mendohem pervec asaj manise siperfaqesore qe zgjedh pikerisht emra te shkelqyeshem e pa permbajtje nuk gjeta tjeter. Keshtu pra ne Shqiperi mund te studiosh dhe pse jo te gjesh pune ne Hene .. ndryshe nuk do e kuptoja nje emertim te tille.

Pershtypje pushimesh nga nje vogelushe

2009-09-07T13:41:00.002+02:00

Autore : Kejsi
Mosha 9 vjec per 10 (pas dy vitesh 11 per 12)

Pushimet 2009

Ne Radhime ne ja kaluam shume mire.
Ne hyrjen ku ishim ne ishte shume bukur dhe secila nga une tezja dhe mami benim nga nje pune.
Ne Radhime ne zume disa shoke shume te mire.Me pas daja na çoi ne Dhermi qe ne u kenaqem shume.
Ne Dhermi ne njohem nje greke e cila kishte nje familjeqe fliste shqip. Aty ne u kenqaem shume por ne dreke ne shkuam ne nje lokal ne Dhermi. Ne ate lokal ne pame harten e shqiperis te ndar ne gjysem, aty ne u deshperuam shume dhe nga inati e grisem dhe u larguam. Por pikerisht aty ne pame nje lope e cila kishte nje qese ne koke
Me pas ne kaluam ne nje tjeter lokal ne Dhermi. Ne ate lokal ne pame qe kishte uje dhe daja u hodh ne uje.
Une kishe naten nje yll i cili me ndiqte gjithmonenaten dhe Ida mendonte se ai doishte fatsjelles.

Ne radhime mami notoi shume. Uji ishte kristal dhe ne na pelqeu. Nje nate ndodhi nje fortune dhe ida nga frika e ndonje termeti u la shpejt dhe na mori dy peshqire.Domethene ne u kenaqem . Do me marre malli shume.

Nena ime..

2009-09-01T12:26:00.002+02:00

Ne fakt eshte e çuditshme kur e mendon se ne fakt ti gjithmone e therret mami ..asnjehere nuk me ka qelluar ta therras nene por besoj se gjuha eshte me shume instiktive se llogjike. E shoh dhe keto jave te fundit para se te riniset per ne New York.. mundohem te ndalohem tek fytyra e saj pasi e di se per 6 muaj te tjere nuk do e shoh .. ne fakt mundohem ta verej me ngulm ne momente ku ajo nuk me sheh duke genjyer veten se ne fakt keshtu rikuperoj plot 6 muaj per kohen qe ajo nuk do te jete ketu. Ne te vertete jam e sigurt se duke i menduar praktikisht si te perjetshem njerezit qe duam nuk i shohim asnjehere aq sa duhet dhe ata nje dite largohen nga jeta duke na bere te mendojme ah sikur ta shihja dhe njehere .. ah sikur te flisja me te dhe njehere ah sikur ta perqafoja.. ah sikur ah sikur ah sikur .. E megjithate duke qene e vetedijshme se nuk mund te jem plotesisht e vetedijshme per momentet qe kaloj me njerezit qe dua, kerkoj me ngulm te marr hak per keto 6 muaj..
Por eshte shume e veshtire ti kap keto momente pasi ajo me veshtron tere kohes kur jam ne shtepi pervec rastit kur po gatuan dicka. Verej se ne fakt se po e pa qe po e shoh me shikon dhe ajo me me shume ngulm dhe une e di se kur shikimet tona takohen ka shume fjale qe megjithese nuk degjohen bertasin, dhe un pikerisht ne momente te tilla e mbyll biseden e heshtur dhe gjej nje teme per te diskutuar nje teme krejtesisht larg mendimeve qe ajo po bertiste pa folur. E pyes nese sot e ka bere vrapin tek liqeni (si cdo dite) dhe ajo me thote po. Ne fakt me duket se ajo me veshtron me shume se sa une ate.. ç do dite kur dal nga shtepia e di se duhet te kthej koken pasi ajo po me shikon nga ballkoni dhe un duhet te kthehem e ti bej nje shenje me dore, buzeqesh dhe i bej shenje, njekohesisht e di se aty ku kthehem une dhe klientet e kafeteries poshte pallatit do te kthejne koken per te pare ke pershendes. Por mua nuk me intereson fare, megjithese duket si nje veprim feminor . Tani qe mendohem kur isha femije ishte babi ai qe dilte dhe nderkohe me thoshte ‘ vemendjen tek mesuesja me babin’. Padashje, tani qe ai nuk eshte me, besoj se babi dhe mami nuk kishin role te ndara ndaj nesh ne fakt besoj se ngjanin shume me njeri tjetrin. Ajo qe me prek me shume tek mami im eshte ndjeshmeria e saj .. ajo do te marre nje veshtrim thuajse lotues nese degjon per suksese, dhe serish lotues nese mendon se jam e merzitur. Por ajo qe me ben te merzitem eshte ai shikimi I thelle e i heshtur nderkohe qe ajo ka filluar te kete rrudhat e para te theksuara, eshte ai shikimi perendues I cili me ben te mos permbahem e te rrezikoj te dukem e merzitur duke i dhene trishtim zyrtar dhe mamit tim. Por jo, e shikoj dhe permbahem, i them sa e bukur qe eshte pasi eshte vertet e bukur dhe kontrolloj panoramen e shikimeve qe flasin. I bej qejfin duke u veshur me fustanin qe ajo me keshillon dhe shoh se syte e saj shkelqejne .. serish paksa te lotuar paksa te gezuar . Pergatis kafete dhe dalim ne verande duke e ditur se sa i pa çmuar eshte ky moment per ne . Ne te vertete eshte e vetmja arsye ku guxoj te vonohem per ne pune dhe nuk ndihem fajtore. Eshte si nje nga ato ritualet qe nuk e kane privilegjin te jene rituale te gjithe vitit. Por shikoj se sa me shume kalon koha aq me shume rritet ndjeshmeria e saj ndaj meje dhe po ashtu aq me shume rritet dhembshuria ime ndaj saj.

Kozmopolitanizem perjashtues

2009-08-22T13:51:00.001+02:00

Kur nje miku im i huaj erdhi per here te pare ne Tirane po kerkonte me ngulm nje ambient shqiptar, me produkte shqiptare, me emra shqiptar, por pas nje jave ne Shqiperi pershtypjet e tij ishin ato te nje vendi kultura e te cilit ishte tretur ne duke imituar e kulturat e tjera Europiane. Domethene me se shumti verejti kuzhine italiane, lokale me birra gjermane etj. Njekohesisht per nje moment pretendoi se shqipja ishte nje variacion i italishtes meqenese kishte arritur te lexonte menune pseudo shqiptare te nje restoranti.
Emrat e lokaleve, restoranteve, palestrave, apo emertimet e shume bizneseve te tjera ne gjuhe te huaj u be kohe qe nuk me bejne me pershtypje ne vendin tim.. Por ajo qe me ben pershtypje akoma me te theksuar eshte fakti se dhe produktet lokale jo vetem qe nuk privilegjohen por dhe mund te themi pa frike perjashtohen nga keto lloj adresash.
Konkretisht a vuan konsumatori shqiptar per mungesen e ujit te mineralizuar ? A nuk ekziston uji i Tepelenes, i Qafshtames etj, etj etj.. Per cilen arsye ne bote na imponohet uji Pana ??Po te flasim per boten e restoranteve duket sikur nuk ka kuzhine shqiptare por le te marrim nje produkt tjeter si psh birra. Per cilen arsye ne bote duhe te degjojme recitimet e kamariereve tek numerojne ne keto adresa birrat gjermane, italiane apo te tjera dhe nder to per nje moment te duket se flet gjuhe te huaj. Nese i kerkojme nje birre lokale si psh birra Tirana apo Stela apo Korca te thote pa u ndjere aspak keq qe nuk ka. Eshte per tu theksuar fakti se keto produkte menjanohen vecanerisht nga adresa te cilesuara ne mode, adresa te cilesuara chic" adresa keto qe frekuentohen vecanerisht nga ata pak te huaj apo turiste qe vizitojne vendin tone.
Ne qe injorojme kulturen tone, qe kemi injoruar historine tone duke fshire qellimshem shume faqe prej saj, po vijojme te injorojme vetveten tashme jo vetem ne etiketa por dhe ne permbajtje. Nderkohe qe nuk po shkruaj per konsumatorin patriotik po shkruaj thjesht per konsumatorin qe nuk deshiron ti perjashtohet produkti lokal te pakten ne ato pak dimensione cilesore qe ai egziston. Nga ana tjeter nese ne keto adresa qellimi eshte ti bejne konsumatoret e tyre sikur te mos ndjehen ne Shqiperi eshte njesoj sikurse te duan ti bejne te mos ndjehen ne kete realitet. Dhe nese eshte keshtu kjo tregon inferioritetin e tejskajshem qe ka pllakosur kete shoqeri konsumeriste e tregtare shqiptare.
A.Karakushi
22/08/09 shkruar per Tirana Observer

Zgjedhjet virtuale

2009-07-24T13:44:00.003+02:00

Janë komentuar shumë këto zgjedhje dhe sërish mes komentimeve nuk u mor vesh se çfarë ndodhi. Kaluam disa faza tejet te çuditshme dhe kaotike. Përkatësisht: fushata elektorale, fushata zgjedhore, pse jo dhe fushata e rezultateve si dhe fushata e komentimit te rezultateve ku si përfundim lexojmë një përzierje te çuditshme që nuk ka as shije e as formë që duket sikur nuk është as blu e as roze e që mbi të gjitha po bën që votuesit shqiptare të mos kuptojne ç’po ndodh.
Fushata elektorale u bë në mënyrën më të pakuptueshme pasi nuk pamë programe që të konkuronin njera tjetren, më saktë nuk pamë asgjë perveç sharjeve reciproke mes aktorëve kryesor dhe nje hije te LSi-stave të cilët sikur ndryshonin me dy gjigantët. Vetë kryefjala e fjalorit elektoral që do kujtojmë është fjala rrugë. Këto programe të paprogramuara dëshmuan qartazi se asnjëri nga këta aktore politikë nuk do te fliste për pensionet që do te rriteshin pikërisht sepse numri i te pensionistëve do te ulej sic është ulur për hir të informalitetit të tejskajshëm që ekziston në tregun e punës. këto programe të paprogramuara sërish nuk e vunë pabarazinë gjinore në programet e tyre megjithë makijazhin artificial të 30% qe rezultoi më pak se 15% dhe kjo për hir të kerkesave të BE-së, e aspak sepse kishte nje vullnet të tillë. Keto programe të pa-programuara nuk u morën vesh se ç’ përmbajnë pikërisht sepse nuk flasin për fëmijët e rrugëve sepse nuk flasin për minoritetet sociale (me nje perjashtim segmentar e të padukshëm te G99), këto programe të paprogramuara harruan totalisht jo vetem ekologjine por vete ndotjen direkte si pasojë e mungesës së politikave efikase për administratat lokale dhe mbi të gjitha për mea-kulpa(n) reciproke që mbajne në kurriz këto dy kampe njëri me anë të betonizimeve, dhe tjetri me anë të guroreve.. Së fundi këto programe të paprogramuara u shoqëruan me artificialitetin e vete formës së fushatave elektorale të cilat u zhvilluan ne formën e koncerteve të këngëtarëve VIPa, larg komunikimit real të liderave të tyre me masat pikërisht sepse mungonte programi me fjalën strukturë, me fjalën përmirësim te politikave te ndjekura nga tjetri, me fjalën alternative e mbi të gjitha me premtime jo stratosferike ashtu sikurse u bëmë dëshmitarë të produkteve tërësisht mediatike të politikës te cilët ndërkohe që flasin për varfërine vishen me Giorgio Armani.

Fushata zgjedhore megjithëse në dukje e qetë të paktën nga vete shqiptarët që votuan u shoqërua sërish me votime familjare aspekt ky që të kujtonte dhe njëhere se në fakt përtej analfabetizmit të moshës se tretë ekziston imponimi i kryefamiljarit ndaj bashkshortes.
Ndërkohe si për te plotësuar kulmin e një sage tashmë te njohur që mban emrin zgjedhje alla shqiptarce procesi i numërimit të votave tregoi se në fakt masat janë shumë më të qytetëruara se vete klasa politike. Pamë karrike që fluturonin, vërejtëm shifra që nuk lexoheshin, pamë komisionerë që nuk dinë ç’ është një skaner, siç pamë nga ata që dorëhiqeshin nga lodhja, pamë një KQZ që kishte vënë objektiva ireale përsa i përket 24 orëshit. Dhe verejtem sërish tone agresive nga këta politikanë ku nuk mungoi dhe shprehja" Do ti mbrojmë këto vota me gjak" . Kjo fushate zgjedhore tregoi se administrata publike nuk është publike se ajo është tërësisht politike ku zyrtarisht, e ku funksionalisht. Kështu u vërejt qartë se në fakt përpara se të kalohej në zgjedhje vetë shqiptarët nuk e kishin kuptuar këtë sistem të ri zgjedhor dhe kjo jo për faj të tyre por për faj të vetë legalizimit në pronë private të të dy kampeve të cilët panë se vetë militantët e tyre nuk e kishin kuptuar atë, duke festuar para kohe apo duke festuar pas kohe kjo sepse PS kishte marrë nr më të madh të votave në rang kombëtar. Mbi të gjitha partitë e vogla te koalicioneve të mëdha treguan më së miri se dhe ato vete nuk e kishin kuptuar këtë sistem të ri zgjedhor dhe kjo u tregua qartë me akuzat që PBDNJ beri ndaj PS ashtu si akuzat që PR bëri ndaj PD.

Por çudia më e madhe e zgjedhjeve alla shqiptarce është shpikja e fushatës së komentimit të rezultateve, në të njëjtën formë siç interpretojne politikisht raportet e ndërkombëtarëve. Fitorja pa fitore, dhe humbja pa humbje, është detaji më i spikatur. Beteja vijon ndërkohe që ne një media vizive lexojmë se fitoi PS dhe në tjetrën lexojmë se fitoi PD. Në fakt më duket më e besueshme të themi se këto zgjedhje i fitoi LSI mbase sepse asnjë kanal nuk e thote. Sigurisht jam e sigurt se vete PS është penduar për këtë sistem të ri zgjedhor ashtu sikurse PD eështë e lumtur që ishte PS që e propozoi. Ndërkohe presim akoma që KQZ të shpalle fituesin të pakten ndërkombëtarët po e kërkojnë këtë tëfundit zyrtarisht. Por ajo që është e sigurt është se sido që të lëvizin shifrat rezultati do të jetë po ai: pa formë e pa ngjyrë ashtu sikurse u anonçua nga vetë këta aktorë politikë në hapjet e fushatave përkatëse. Kjo pasi ata ngjasojnë aq shume sa një rezultat ndryshe nga ky që perceptohet, të paktën nuk ishte i mundur.
A.Karakushi
Tirana Observer 24/07/2009

Pa Fjale

2009-07-06T17:45:00.002+02:00

Sepse sot ka me shume rendesi se si VOTON!

2009-06-28T12:24:00.001+02:00

Te dashur shtetas Shqiptare qe me 28 Qershor do te keni mundesine e votimit, mundesine e e shprehjes se vullnetit tuaj te lire, te jeni te sigurt se pavaresisht faktit kush do fitoje apo humbase nga trupat politike nese standarti i zgjedhjeve prishet humbesit e vertete do te jemi ne, ne Populli Shqiptar!
Mos u beni vegla te partive e as mos u frikesoni nga militantet e tyre! Mos harroni se partite politike aq sa jane te ndryshme aq jane dhe te ngjashme me njera tjetren, politikanet do te vijojne te kene te drejten e qarkullimit ne Bashkimin Europian, pavaresisht rezultatit ne pozite apo opozite, do te jemi ne, e ardhmja jone, imazhi yne qe do te cenohet nese keto zgjedhje nuk zhvillohen ne qetesi. Do te jemi ne qe do paguajme epshet e dashurise per pushtet te kesaj klase politike qe deri tani ka deshmuar vetem papjekuri!
Le te tregojme se ne fakt shoqeria shqiptare qendron me lart se keta politikane, le te deshmojme se ne meritojme me shume dinjitet, le te deshmojme se ne fakt ne jemi trashegimtaret e nje kulture paqesore e jo konfliktuale.
Le te injorojme çdo lloj apeli per dhune qe mund te dali nga cilado oratori partiake! Le te deshmojme se ne fakt ne meritojme me shume se ajo qe na eshte ofruar deri tani, le te deshmojme qe mohimet dhe sakrificat qe ka bere kjo dinasti e paepur ndaj pushtetit mbi popullin duhet te marre fund!
Per kete dite zgjedhjesh, qe edhe te perfytyruarit tane ne kuvend te mos na felliqin perpara nderkombetareve, le te urojme per zgjedhje pa karrige kokes, sepse ne kete dite "Me shume rendesi ka se si voton se sa ke voton"!
Alida Karakushi & Eljan Tanini

Tragjikomedi biografike

2009-06-18T10:31:00.003+02:00

Njehere e nje kohe me sakte te themi deri para 20 vjeteve biografia shihej ne lupe, shkonte deri aty sa e drejta e shkollimit mvarej nese prindi yt apo xhaxhai yt, apo kushuriri yt apo kushurira e kushuririt tend nuk kishte kaluar ndonje kufi, nuk kishte share domatet e kalbura, nuk kishte degjuar muzike te huaj, nuk kishte bere lutje ndaj zotite sa e sa nuke te tjera qe une femija fare e vogel deri ne 1988 akoma mbaj mend pickimin e shoqeve te mija te vogla “ai e ka babain antikomunist”...
Shkonte deri aty sa ne varesi te ‘demit’ ndaj komunizmit ti mund te persekutoheshe dhe persekutimi ishte nje nder mjetet me efikase te regjimit te atehershem, ishte trashegimia me zyrtare e cila nuk te shqitej kurre por te shoqeronte qe nga lindja e deri ne vdekje.
Sot 20 vjet me vone jetojme ne nje epoke ku mendojme se ne fakt jemi te lire, se ne fakt biografia nuk ka me rendesi, por ne realitet nuk eshte keshtu. insinuatat, emertimet ndaj Ditmir Bushatit tregojne dhe njehere se nuk eshte keshtu. Saga e biografive vazhdon, vazhdon dhe kur D. Bushati quhet pinjolli i komunisteve vazhdon dhe kur anti pinjollet dhe pseudo demokratet shfryjne vrerin ndaj ketyre kundershtareve me te njejtin percmim si shume vite me pare kur merreshin vendimet nga gjyqet famekeqe te komunizmit. Thjesht, tashme nuk behet fjale per te njejten forme e te njejtat denime.. tani me duket se eshte fraza: Ti i biri/ e mbesa/ nipi i ish sekretarit te Partise nuk do te kesh te drejten te futesh ne pushtet edhe sikur te jesh me i pergatituri apo me i zgjuari pasi ke damken e komunizmit te trasheguar nga babai yt.
Nje pyetje per te gjithe keta zoterinj te nderuar... me thoni nese ne edukojme te kaluaren apo e kaluara na edukon neve? Ai qe pretendon te kete monopolin e te drejtes, monopolin e fjales, monopolin e te ardhmes nuk duhet te harroje se fjala monopol eshte e lidhur ngushte me diktaturen qe pretendojme se lame pas. Si perfundim duhet pranuar se komunizmi eshte menyre e te menduarit dhe nese si e tille nuk ndryshon ne fakt kundershtare kemi vetveten.
A.Karakushi
T. Observer 18 Qershor 2009

Censure ne kohet moderne !

2009-06-10T17:55:00.001+02:00

Nuk me pelqen te dergoj mesazhe spam pasi un vete i fshij dhe shume here nuk i lexoj fare, por besoj se te gjithe duhet te indinjohemi ndaj censures qe po ushtrohet kaq HAPUR ndaj medias!

Rasti i fundit i cili padyshim pas shume vitesh do te hyje ne historine e censurimit ndaj medias, do te hyje ne ato faqet e zymta te historise sone ne lidhje me fjalen e lire, do te hyje si shembull se si censurohet media ne librat akademike te gazetarise, do te hyje mbass si nje nder si rastet me flagrante se si po torturohet, po rrihet, po doktorohet fjala e lire!!!

Ja pra rasti me i fresket eshte rasti Bushati dhe "Zone e ndaluar", ironia eshte se keshtu u be vertet Zone e ndaluar ne epoken e Informacionit sikurse eshte quajtur shekulli i 21!!
Po, te nderuar lexues ne fakt, te tre keto profile qe Z.Bushati do te komentonte ne emisionin e tij te fundit qe nuk u lejua te shfaqej jane simbol i " aristokracise" qe nuk duhet te preket !

Padyshim qe eshte larg te qenit rasti i vetem, gjithsesi eshte rasti i cili therret ndergjegjen e te gjithe neve se ne fakt po jetojme ne nje pseudo demokraci! jetojme ne vendin ku dosjet do rrine te mbyllura kushedi se per sa kohe akoma, jetojme ne vendin ku censura eshte bere nje "must" dhe per ata te" fis-shem" qe gjasme kane qellime te mira! Jetojme ne vendin ku ujqerit jane veshur me lekure deleje dhe ata qe ishin dje jane po sot ne mos me ane te gjenealogjise se tyre ne pushtet-et, jane serish ketu sepse me ane te funksionimit te tyre simbolizojne serish ate te kaluar ku kete komb e kishin futur ne vdekje klinike!

Perse ky mesazh .. mbase thjesht per te thene dicka qe nuk na lejojne ta themi ndryshe, mbase per te thene dicka qe te gjithe e jetojme por nuk e shprehim dot, mbase per te zgjuar sadopak reagime ne mendimet tuaja per ato qe na servirin ne media dhe ato qe duhet te na servirnin!

Censura ndaj medias eshte censure ndaj gjithsecilit prej nesh!

Pyetje pa pergjigje

2009-05-28T11:37:00.000+02:00

Kaluan shume jave dhe sado te bombarduar te jemi nga I ashtuquajturi informacion qe pervetesohet nga debatet politike ne media nuk e di se ç ka nder mend te beje PS po fitoi zgjedhjet dhe ç’ka ndermend te beje PD po I fitoi ato! E thene me qarte debatet e tilla fitohen nga ai/ajo qe bertet me shume. Ne rastin konkret a e dini se ne fakt gazetaret nuk kane te drejte te piketojne X apo Y personalitet te njeres apo tjetres parti per debatet e tyre? Jane zedhenesit perkates te ketyre Musketiereve qe vendosin.. rasti me i fundit nderkohe qe nje gazetar i nje kanail u kerkoi X personalitet meqenese eshte ekspert ne ekonomi psh, zedhenesja i tha qe jo se ai eshte shume i urte Pra e thene troc nuk di te bertase!!Nga ana tjeter duket se dhe vete mediave nuk iu intereson te qartesojne publikun.. ne serine e fundit te Opinion u duk qarte se ‘lufta ‘ ishte nje detyrim .
Nje tjeter karakteristike qe po e shoqeron kete maskarade mediatike eshte vete UNI i shume politikaneve, arroganca, tribalizmi i tipit un jam krenar per fshatin/qytetin/ katunin/ lagjen..serish ky informacion i pervetesuar nga mediat qe ringjall krahinizmin, dhe mbi te gjitha papjekurine politike te ketyre perfaqesuesve te “denje” .
Nje tjeter detaj po aq i rendesishem eshte servilizmi frenetik ndaj liderave te ketyre partive per pak sa do fillojne te zene be ne emer te Berishes apo te Rames, servilizem hipokrit, qe shoqerohet me pankartat e atyre adoleshenteve qe duartrokasin vende e pa vend ne shfaqjet e ketyre forcave politike. Mos harrojme ketu te dorehequrit de jure por jo de fakto te ish kryetarit te PS, si dhe pretendimi i PS aktuale se nje veprim i tille i kishte bere krenar per standartin qe kishin arritur..a do mund te krenohen me me kete te ashtuquajtur standart ne kohen kur ish kryetari i tyre beri nje sulm te cilin as vete PD nuk mund ta kishte bere kaq te ashper ndaj tyre pikerisht nepermjet medias. Dhe ja ku bien makijazhet dhe artificialitetet e standarteve te arritura e te pretenduara.
Me pak se nje muaj larg zgjedhjeve kthetrat e politikes i kane marre frymen medias shqiptare duke i kthyer de fakto ne zedhenese te tyre. Kjo shprehet me pyetjet pa pergjigje, kjo shprehet me lidhjet direkte ku jepet 100% e konferences dhe kjo behet ne reduktim te emisioneve qe keto media kane normalisht. Kjo shprehet me zhurmat akustike te krijuara qellimshem nga perfaqesuesit e ketyre partive ne debatet politike, kjo shprehet me parate e shumta qe marrin nga reklamat perkatese te ketyre forcave keto media, dhe se fundi kjo shprehet nga renia ne mase e interesit ndaj politikes i nje pjese te madhe te shqiptareve qe ndonese ne Shqiperi frekuentojne vetem mediat e huaja,perkatesisht : italiane, greke apo anglosaksone qofshin ato. Ne fakt me thoni ne cilin plazh do ndodheni me 28 Qershor ?? !

Tirana Observer 28 Maj 2009

Pronaret e heshtur te Lanës

2009-05-16T12:56:00.006+02:00

Kaluan më shumë se 3 javë që ky imazh nuk më hiqet nga mendja, kaluan më shumë se 3 javë që të gjithë temat e tjera të nisura kanë mbetur përgjysmë pikërisht si pasojë e këtij përqendrimi në këtë foto, ka shumë paragrafe nga temat e tjera që nisa qe u ngurtësuan dhe që nuk mund të vijonin pikërisht për shkak të kësaj fotoje.. nuk më bën përshtypje as ajo makina blu, as agjensia e sigurimit që qëndron e rrjeshtuar me autoshkollat, por më bën përshtypje kjo kullë që qëndron si ai simboli me i vërtetë, e më sfidues i një shoqërie të tërë që pretendon se jeton në sistemin e një demokracie funksionale, dhe sërish nuk është thjesht kulla që më bën përshtypje e që më ka bllokuar mendimet prej më shumë se 3 javësh, por është kjo afishe e kësaj banke mbi këtë kullë, mbi këtë ndërtesë të pashpirtë e cila ka vete burgosur de fakto disa jetë. Por, që në fakt simbolizon jetët e më shumë se 300 fëmijëve që sot janë viktima të gjakmarrjes. Pyes veten nëse vetë ata të burgosur në ate kullë, vetë ata të mjerë e dinë se janë të veshur nga kjo reklamë, guxoj të mendoj mos vallë vete banka po u paguan dicka, apo po i mëshiron per gjëndjen e tyre.
Sa përgjegjës jemi ne për këtë “ vepër kontemporane” në mes të Tiranës.. Nga njëra anë duhet të përgëzojmë zemërgjerësine e kryebashkiakut që nuk e prishi atë kulle, apo mbase ta gjykojme atë që nuk u gjeti një vend tjeter te strehohen. Shumë drejt, mbase nuk duhej që kryebashkiaku ti levizte ata njerëz gjysmë gjallë e gjysmë vdekur. Shumë drejt, mbase do të ishte nje makiazh vulgar heqja e tyre nga arkitektura shqiptare por që të jem e sinqertë, në të vertetë nuk është një kullë është një ndërtesë gri, po po gri, një ndërtesë që nga vetë mosngjyrosësia e saj shpreh se nuk është as e bardhë e as e zeze, shpreh se aty ka të gjallë të vdekur, Akoma më grushtues është detaji se tani që ata janë zotëruesit e vetëm të Lanës, vete kjo ndërtesë e përshtatur në pjerrësinë e anëve të lumit kanal duket se përshtatet më gjendjen e tyre, po janë në buzë të lumit që rrjedh e që kur bie shi ka rrezik të përmbyten, e në mos kështu do të vishen nga lagështia. Juve dhe mua që kalojmë atypari, na bëhet nje ftesë nga kjo ndërtesë.. paratë tona ne kete bankë
por ja që nuk po bej dot lidhjen e reklames, nuk arrij të kuptoj se në ç’pike izolimi mund të përfaqësohet nga banka, apo mbase banka tregon se në ketë mënyre i ruan mire paratë e klientëve të saj!I ruan kaq mirë sa cmund të vetë ruhen ata që janë në gjak!!

Tirana Observer 16 Maj 2009

1Maji qe duhet te "denohet"...

2009-05-05T10:11:00.002+02:00

U bënë kaq shumë kritika nga media shqiptarë se si 1 maji në vend që të përdoret për tu protestuar sërish u festua. U ironizua sërish në këtë temë kaq shumë saqë tani e prapa do të na duhet të pyesim snobët e medias se kur do të duhet të festohet e kur jo! Në fund të fundit nuk arrij të kuptoj se përse duhet dhe ne shqiptarët të kopjojmë si këta të formatuarit aktorë të medias që nuk hezitojnë të kopjojnë me emisionët e tyre formatet e medias italianë apo amerikane. Përse duhet që ne të protestojmë 1 Majin me një maj ? Mos vallë ne nuk kemi 1 Maje të tjere shumë të rëndësishëm në historinë shqiptarë për ti përdorur në formë protestash? A nuk është kjo ditë një ditë që përcakton protestën e një klase punëtore që kërkonte kushte më të mira pune? Më thoni ç ‘kuptim do të kishte protesta fallco kur në Shqipëri do të duhej të protestonim thjeshtë për të protestuar? A nuk do të ishte fallco të protestonim kur piksëpari duhet të dinim përse të protestonim? A nuk është fallco të protestojmë kur sindikatat janë krejtësisht të padukshme? A nuk është fallco të protestohet kur jemi kaq të vetëdijshëm se papunësia po na mbyt dhe se duhet të kemi punë në mënyrë që të krijohet një ndërgjegje për kushtet e saj!?A nuk është fallco të protestohet kur në kushtet aktuale fjala kontratë pune gjen renditje vetëm në sektorin e administratës publike? Kur vetë në institucionet e shumë mediave private shumë nga kameramanët, dhe punonjësit e tyre nuk janë të siguruar? A nuk është ironike të protestohet në një kohë kur ndërgjegja për kushtet e punës ndodhet në një fazë kaq embrionale? A nuk mendoni se 1 maji shqiptar duhet të ishte ai 1 maji kur ajo vajza 17 vjecare u aksidentua dhe vdiq në fabrikën e këpucëve? A nuk mendoni së 1 maji shqiptar duhet të ishte përvjetori/ët e vdekjës së më shumë se 15 minatorëve në Bulqizë? A nuk mendoni se 1 maji Shqiptar duhej të ishtë evidentimi se shumë mekanikë të ish Uzinës së Bakrit në Kukës vdiqën nga format më të rralla të kancerit pikërisht sepse kushtet e tyre të punës lejuan që kjo të ndodhte. A nuk mendoni së 1maji në Shqipëri si në shumë vende ish-komuniste është bërë pjesë e identitetit, dhe sado të «westernarizohemi» një antropolog do të kundërshtontë mendimet tuaja? Kështu pra ti imponosh dikuj të bëhesh bjond kur është brun, është dicka që ndodh lehtë në media por jo në identitetin e një kombi. Besoj se media Shqiptare ka plot 1 Maje që duhet të katalizojë dhe se misioni i saj duhet të kryhet në përmbajtje e jo thjeshtë në formën e gatshme të ofruar nga kolegët e tyre. Besoj se media Shqiptare duhet të fillojë të rebelohet vetë ndaj pronarëve që ka dhe që në vend të një dite pushimi në javë që u jep punonjësve të saj tu japë atyre 2, duhet të fillojë që punonjësve të saj tu paguajë më kohë të plotë pushimet 2 apo 3 javore që duhet të kenë në vit, duhet të fillojë të paguajë më 200% orët shtesë, duhet të çngjyroset nga pronësia partiake dhe tu japë punonjësve të saj dinjitetin e të qenit gazetar, apo kryeredaktor. Dhe nëse jo pikërisht këto stafe gazetarësh, redaktorësh, artistësh, kritikësh apo opinionistësh të organizohen të gjithë së bashku e të na japin mësim se si protestohet, pse jo le të zgjedhin 1 majin e ardhshëm. Në këtë mënyrë do të kënë arritur qëllimin e tyre dhe do të mund të deklarojnë hapur së tashmë me 1 Maj duhet të protestohet!

Tirana Observer
5 Maj 2009

Perse te votoj ?

2009-03-31T18:09:00.001+02:00

Thashetheme apo të vërteta
Nano i shiti PSnë Ramës për 150 milion€
Për tu aprovuar si anëtar në KLD nje kandidat duhet të paguajë një shumë rej 10 000€ çdo anëtari
Për tu futur ne magjistraturë 60 000€
Takimi i nje delegacioni investitoresh nga Turqia me një ndër këshilltarët e kryeministrit dështoi pikërisht pasi ky I fundit I tha qartë shprehjen: Po përqindja ime në këte marrëveshje ?”
Sikur këto shprehje ti kisha dëgjuar padashje në rrugë mbase nuk do më bënin përshtypje, por fakti që i dëgjova pikërisht nga njerez qe janë miqtë e mij më të ngushtë më bën të dyshoj në çdo fjalë që del nga politikanët tanë ata që ishin , ata që janë dhe ata që do vijnë ..Jo mw larg se mbrwmw dwgjoj A.Daden dhe S.Olldashin tek shprehen mos më ngacmo se tek kjo çështje ( Delijorgji) dhe ju keni gabimet tuajat ..
Kam frikë se me rrugën aktuale ku ndodhem në profesionin tim mund të bie një ditë pikërisht si dëshmitare e paturpësive të tilla, dicka është e sigurt se nuk do të toleroj asgjë dhe se mundësia më e mirë është që të provokoj mërira me kosto të larta. Në fund të fundit si mund të pretendosh se do fitosh ndaj korrupsionit kur ai është bërë pjesë e ADN-së së nje gjenerate të tërë qeveritarësh, politikanësh dhe gjyqtarësh tek të cilët akoma ka paga tepër të ulëta po të marrrim parasysh rëndësinë e tyre. Më e keqja është se tashmë të flitet për këto tema duket sikur te hashe bukë e djathë, askujt nuk i bën përshtypje..ne qe nuk përdorim më kanunin e Leke Dukagjinit kemi krijuar një kanun tjetër që mbase nuk vret me armë por po vret te ardhmen e një kombi !

15300 lek

2009-03-26T22:42:00.001+01:00

Kjo zonja e cila punon si librashitese ne nje nder librarite me te njohura ne kryeqytet mbase as nuk do ti shkonte ne mendje se sonte un do te shkruaja per te, por besoj se duhet te shkruaj.
Nje mikja ime shume e dashur ka ditelindjen ndaj me kenaqesi shume te madhe mendoj ti ofroj si dhurate nje liber, teksa mendohem per ditelindjet e fundit kur kam bere dhurata e shikoj se vazhdoj traditen , po ! Un dhuroj libra, vetem libra, nderkohe qe vete mendoj se kete libra jane bere molle e ndaluar per mua pasi kam kaq shume te tjere per te lexuar dhe koha nuk eshte absoloutisht jo ne favor te asaj qe une do te doja te lexoja .. dhe mendohem per tere ato libra te cilet i kam diskriminuar keto kohe .. dhe ja kam zili librashitesen , i them sa zili e kam qe punon ne nje ambient te tille, sigurisht mendoj se ajo do te kete kohe per te shfletuar ndonje liber duke qene mes tyre.
Ajo qesh, ne fakt nuk qesh, qesh duke qare pasi ka nje buzeqeshje krejtesisht kontradiktore me shikimin e saj, thua ti se ne fakt nuk behet fjale per te njejten fytyre, nje fizionomi teper e gdhendur ne buzet e saj, ne syzet e saj, ne floket e thinjura qe kane nje harmoni teper te theksuar me prerjen e flokeve te saj deri ne gushe. Floke te drejte e te palosur deri ne gjysme te qafes, nje trup mesatar nje imazh as me ngjyre e as pa ngjyre. Megjithate kesaj gruaje nuk do I jepja me shume se 45 vjec.. thua ta kem gabim .. Ajo pergjigjet me nje frymemarrje e cila sikur po hapte dy porta te hekurta dhe me thote : -
-Jo un nuk lexoj libra, i shoh, do te doja ti lexoja por kushtojne shtrenjte
-Po ju mund te lexoni ketu te mbani menjane nje liber dhe kur nuk keni kliente te hapni ndonje faqe , (pse jo ne fund te fundit them me vete ta merrni ne mbremje dhe ta lexoni,- por nuk insistova ti them dhe nje fraze te tille)
-Jo moj vajze ate nuk e bej dot pasi un jam shume e zene ketu – e shihni ne nuk shesim vetem libra, por dhe kinkaleri, nuk kam momente te lira, paga qe kam eshte 153 mije lek (kuptoj qe flet me te vjetra) ..
I them qe me vjen keq ,dhe ajo pergjigjet :
– Jo mos ki merak , ne fillim thashe me vete ohh sa e lumtur jam qe e gjeta kete pune, e shikoja veten mes librash dhe thoja ç ‘kenaqesi e madhe do te jete te punoj ketu , por nuk duhet te qahem, kush me merr ne pune mua te shkreten ne kete moshe . shyqyr qe e kam kete pune ..
I tha tere keto fjale duke veshur bukur, me nje leter shkelqyese dhe me nje fjongo kaçurele librin qe zgjodha per shoqen time ..ne momentin ku fjongoja po kaçurelosej nga duart e kesaj zonje mendova per tere ato libra qe ajo ka veshur , dhe per tere ato here kur ajo eshte ndjere keq qe nuk ka mundesi ti lexoje ato libra…por tani mbase eshte mesuar, por ja qe paska kliente si une qe me pakujdesine me te madhe i hapin mendime te plagosura .

1 vit

2009-03-20T21:47:00.003+01:00

U be nje vit qe shkruaj ketu.. nuk e di pse por nje vit me pare zgjodha ditelindjen time per te shkruar dhe hapur kete blog.. mbase nuk do e kisha hapur po te mos ndihesha thellesisht e trishtuar nga 15 Marsi I kaluar..nje vit me vone bie shi nje shi I marrosur qe shoqerohet me temperatura te frikshme megjithate jam e lumtur qe nuk jam e trishtuar si nje vit me pare, kjo pasi ne kujtesen time te nje viti me pare mbaj mend nje trishtim kolektiv.. dhe nuk ka me keq sesa trishtimi i nje populli te tere .. te prek thelle ne shpirt e te ben te mos duash te kapercesh deren e shtepise..mbaj mend qe iu isha ngjitur lajmeve sikur te ishin oksigjen .. nje jave e tere e shoqeruar me frenezine mediatike qe nuk hezitoi te jepte dhe imazhe duarsh e kembesh te copetuara sikur te behej fjale per holokaustin e koheve moderne ..nje vit me vone them ato imazhe mos u rikthefshin kurre!!

Ajo e ka fajin ?

2009-03-15T11:02:00.005+01:00

14 Mars, eshte nje nder mbremjet e vetme ku i lejoj vetes te ndjek ndonje emision ne TV, zapping, bie ne « Me shume dashuri », Regina e voge dhe Gerdeci, pas saj nje grua e deshperuar qe kerkon rikthimin e «te» apo «ish te» shoqit. Ajo qe me revolton ne kete rast eshte pikerisht perdorimi i femijeve nga ana e saj per te kthyer te shoqin. Akoma me shume ajo thirrja nga ana e saj per vajzat e tjera te cilat prishin familje...Thua ti se meshkujt nuk kane tru, se behen krejtesisht te pavetedijshem e se sic thoshte ajo « dalin nga vetja e tyre » , dhe se ne fakt i treti e ka fajin, gati gati nje mund te mendoje se bota nuk duhet te ekzistoje ne menyre qe nje çift te funksionoje .. diçka qe me ben pershtypje ne shoqerine tone eshte pikerisht se pas çdo ndarje fshihet nje fajtor, « dikush e ka fajin », ndryshe « nuk eshte e mundur».
Si mundet qe ai «te me leje mua» ky me duket mesazhi i vertete pas ketyre te qarave.. mbase nje vetebesim i tejkaluar, shume mundesisht nje mendjengushtesi e cila nuk arrin te konceptoje se dy veta nuk mund te kombinojne dot me njeri tjetrin .. dhe se nuk eshte se duhet ta kete fajin njeri apo tjetri , sidomos ne kete realitet ky individualiteti qe shprehet theksueshem mes asaj qe dikush deshiron apo nuk deshiron ndryshe nga nje realitet i kaluar ku dy njerez « duhet » te ishin bashke.
Nuk me intereson te dij se kush e kishte «fajin » mbreme, sigurisht pare ne kete prizem nese duam patjeter fajtore te dy e kane fajin. Ajo qe dua te perçoj eshte se evidentohet ne menyre absolute se disa njerez mbeten femije te perjetshem, burra apo gra qofshin, megjithese sot mund te gjenden prinder.
P.s. «Me shume dashuri» (se) i dergoj nje mesazh te vogel .. perzgjidhini pak me mire historite qe trajtoni..

Duke ecur me te kaluaren e ardhshme

2009-02-14T22:44:00.001+01:00

Nuk e di nese eshte e vertete qe pendimet mund te parashikohen nga disa, por te pendohesh per ato qe te tjeret kryejne per te ardhmen .. eshte vertet nje ndjenje e çuditshme ..Sot kisha nje takim pune Elbasan, kafene e pare emora brenda mureve te kalase, kuptova se ishte pjese e muzeut me pare.. por me sa duket ketij muzeu i kishin dale pronaret .. dhe pyes veten cilet mund te ishin ata pronare me gjenealogji dymijevjeçare .. mund dhe te mos mendoja asgje po te mos e njihja pak historine kjo sepse muret ne fakt tashme ishin te mbuluara me nje petk mos deshire per tu quajtur pjese muzeale ..gjithsesi po shikoja kete monument te mosvleresuar..qe fillonte qe nga hyrja ne qytet..asnje shenje qe te tregoje se behet fjale per mure shumeshekullore, asnje shenje qe tregon se behej fjale per nje monument dhe vend qe me pare ishte ndertuar dhe vleresuar nga romaket qe nga shekulli i 1re I eres sone. Paguajme nje fature te cilen mund tia kishte ziline dhe Sky Tower ne Tirane.. marr rrugen e kthimit, ec serish ne mbi kete kalldrem qe me duket po aq I heshtur e I vrenjtur , kaloj murin e pergjumur dhe nje ndjenje e çuditshme me bent e mendoj se sapo kisha gelltitur nje kafe aq te hidhur e cila ma hoqi deshiren per te pire serish nje te tille, mbase tani e prapa do te pij çaj ..

Burning history pages/ Duke fshire historine

2009-02-03T11:32:00.002+01:00

Arsyen per te postuar kete shkrim e mora duke lexuar shkrimin e botuar nga Living In Shkoder perkatesisht 5 heronjte tek :
http://shkoder.blogspot.com/

English
The middle of 20th century would find Albanians divided in 5 countries. Some authors argue that genocide was exercised against them from their neighbors (Greece, Serbia). Albanians had helped during the Greek revolution for Independence, they were often “taken” for Turks. There were also Albanians that really became Turks as far a leading Turkey. There were Albanians that led Egypt and even formed the first dynasty of kingship there. Albanian had also their hero in the middle ages, the very well known Scanderbeg. Nevertheless Albanians do not pay pilgrimage to him. Today in Albania one hardly knows when this national hero’s anniversary of death or birth is. Although the communist regime of Enver Hoxha did not “mistreat “ Scanderbeg in the Albanian history pages as happened with most of its past national figures, it is true that the Albanian Partizans did (in these pages of basic history education) were ahead Scanderbeg. The communist regime ignored certain aspects of the past including any talk of outside territories. Nowadays it seems another layer is deletting history pages
Shqip
Mesi I shekullit te 20 i gjeti Shqiptaret te ndare ne 5 shtete. Shume autore argumentojne se gjenocid ishte urshtruar ndaj tyre nga fqinjet (Greqi, Serbi) . Shqiptaret kishin ndihmuar gjate revolucionit Grek per pavaresi, ata ishin “marre” shpesh si Turq . Kishte gjithashtu shqiptare qe kishin udhehequr Egjiptin duke bere gjithashtu te paren dinasti atje. Shqiptaret kishin gjithashtu heroin e tyre ne kohet e Mesjetes te shume njohurin Skenderbe. Por Shqiptaret nuk i bejne pelegrinazh atij (siç i bene Serbet Princit Lazar).Sot ne Shqiperi eshte e veshtire te thuhet se nje shqiptar e din mire pervjetorin e lindjes apo te vdekjes se tij.Megjithese regjimi komunist I Enver Hoxhes nuk e “keqtrajtoi” Skenderbeun ashtu siç beri me shume figura te tjera kombetare, eshte e vertete se partizanet shqiptare (ne ato faqet e historise baze te edukimit) kishin perparesi ndaj tij. Regjimi komunist injoroi shume aspekte te se kaluares perfshire ketu dhe temat qe kishin lidhje me territoret jashte saj.
Tashme duket se nje tjeter mbulese po fshin faqe te tjera te historise, por duke e bere kete ne po fshijme identitetin tone.

Pasazhi i mesiperm u mor nga puna kerkimore: Civil societies through nationalism(Albanian vs Serbian) A.Karakushi (Jan.2009)

E pamundur

2009-01-31T14:51:00.003+01:00

Ora 12 sapo dola nga provimi i pare, kam 3 ore kohe per te bere nje perseritje per provimin e ores 3:30, mundohem si gjithmone te shfrytezoj kohen ne maksimum, lexoj dhe duke ecur ne rruge, kerkoj per nje ambient te qete ku mund te lexoj, nuk shkoj ne shtepi sepse nuk dua te humbas ate 1 ore vajtje-ardhje. E bej me mend te shkoj tek nje Kafe (prane universitetit), e di qe ne kete ore nuk duhet te kete shume kliente . Futem dhe verej se kam te drejte, nuk kishte asnjer pervec kamarierit Sapo futem i kerkoj kamarierit nese mund ti ule tonin muzikes. Ai me thote po, ulem hap librin, syte e mi fillojne te skanojne faqet e UNDERTAKING Journalism (John Wilson). Degjoj qe toni i muzikes ndryshon here i larte e here i ulet, po ashtu kamarieri duke qene se nuk ka pune tjeter fillon dhe ben DJ –in) , Keshtu nga “un break my heart” “shkojme tek” gimme gimme one blabla bla” vijon me “taka –taka” , kthej syte.. kamarieri eshte teresisht e ngjitur ne ekranin e kompiuterit.. Shpresa ime rivjen kur futen dy kliente dhe ai merret per 5 minuta me ta, serish rifillon miksimi. Per nje moment mu krijua pershtypja se jam ne nje Club, as bar e as kafe por DISKOTEKE e vertete. Kesaj ndotjeje akustike i shtohet dhe nje tip loje elektronike e cila ndodhej fare prane meje , kesaj makinerie lojrash po i binte alarmi. Nje zhurme e dyfishte qe zgjat plot 2 minuta.. dhe un ndjej se u gezova kur mbeti vetem muzika e “dj-it) , ne kete konfirmim rrembej veten time, bashke me librin e pa rilexuar dhe drejtohem tek banaku :
A mund tu them diçka?-
Po – thote ai
-Here tjeter mundohuni ti respektoni pak klientet, sepse un nuk erdha per te kercyer , por thjesht per te pire nje kafe.
-Po un ia ula zerin-
– Ti ia ule zerin nga niveli me i larte qe kishe , plus asaj po beje miksim kaloje nga nje kenge ne tjetren .
Paguaj dhe dal e bindur se pas meje kamarieri do te futet ne bisede me te vetmen tavoline qe kishte dhe do te thote sa vajze e çuditshme kjo.
Filloj te mendoj per nje ambient tjeter ..mu kujtua nje kafe tjeter .. te pakten aty nuk besoj se do kene miksim. Futem brenda ulem fare prane deres pasi shoh se keshtu jam e distancuar nga zhurma e bisedave, porosis nje limon-soda, dhe kerkoj njekohesisht nese mund tia ulin pak volumin muzikes. Te pakten aty kishte nje muzike elektronike pa fjale, 30 minuta kalojne dhe degjoj qe iu ngrit serish volumi..Nderkohe qe e di se muzika per keto ambiente ne keto ore dite duhet te jete thjesht nje sfond i lehte kam frike se e kam gabim, sepse duket se preferohet pikerisht kjo lloj muzike me kete ton te larte..
E lodhur, mendoj te shkoj tek biblioteka e Universitetit.. mund te kisha shkuar dhe ne fillim por e dija, se do te kishte shume studente. Gjithsesi, them ta provoj, ulem, mundohem te perqendrohem, por eshte e pamundur ne biblioteke bisedohet, debatohet , flasin ne celulare, bien zile telefonash.. printeri eshte i lodhur fare, ben nje zhurme qe sikur po thyen arra dhe nuk ndalon asnjehere sepse eshte i vetmi printer per te gjithe studentet qe shkarkojne artikuj akademik nga Jstor. Dy here bera thirrje ne menyren me civile te mundur te ulin pakez zerin..me duket se bera gabim sepse filluan te flasin me ze me te larte.
Ne kete kohe e kuptoj se duhet te dal qe aty..Dal ne koridorin e katit te dyte, ulem ne shkalle dhe per 3 minuta besova se ishte ambienti me i qete. E ndjej se kam ftohte por i rezistoj atij. Perqendrohem, bej nje perseritje te plot 3 faqeve.. fillojne dhe degjohen zhurma dhe ne koridor , hapa profesoresh , studentesh. Dy profesore takohen , flasin me njeri tjetrin (anglisht) , them me vete ku e gjeten keta te rrine kaq prane meje gjithe koridoret bosh jane , gjithsesi riperqendrohem tek leximi im, biseda qe ata bejne , me sakte zhurma qe ata bejne per veshet e mi eshte qindra here me e paket se lufta akustike ne « Biblioteke » apo Kafe . Nuk kalon shume dhe nga biblioteka dalin dy studente te tjere per te pire cigare prane dritares.. fillojne dhe flasin..zevendesuan profesoret.. nderkohe qe une po mendoja se keto 3 ore duhet ti kisha kaluar ne Shtepi.

Përgjysmë

2009-01-17T13:05:00.003+01:00

Sa më shumë kalon koha aq më shumë më duket se ne shqiptaret cdo gjë e bëjmë përgjysmë. Sa koshient jemi ne për këtë .. Nuk e di c’mund të thuhet kur sheh se në fakt dhe stacionet e autobusëve në Tiranë nuk kanë as pikënisje e as destinacion. Në klasën time të antropologjise mësova se ekziston një fis i cili beson në formën rrethore të kohës.
Më grushtues, ironik dhe pse jo sarkastik më duket vendosja e reklames “ What’s up?’ në anët e këtyre “stacioneve të autobusëve” sikur duan të të thonë “ So What?”.. Kështu më duket se dhe titulli përgjysmë nuk i shkon këtij shkrimi ..kjo sepse kur gjërat bëhen duke vënë theksin tek dizenjoja, në këtë rast stacioni i bukur autobusit.. dhe mungon ajo që është thelbësore : informacioni.
Informacioni se cili autobus kalon, ku shkon dhe më normalje do të ishte që të printohej një minharte. Sërish dhe këtu një nën pikpyetje tjetër e madhe sepse vetë autobusët në të shumtën kanë një karton të printuar më se keqi e të lodhur ku tregojnë trajektoren .. as trajektore nuk quhet .. per ti rënë shkurt tregojne piken A ku nisen dhe B ku mbërrijne. Padyshim duket se ne nuk e dime ku shkojme si shkojme .. më sakte në këtë foto tregojmë se sa të verber jemi ne. . ose ecim dhe ne në një forme rrethore qe i perket nje ‘civilizimi’ tjeter atij që është i lodhur, që nuk ka pse të dije se ku shkon sepse në fakt qëndron vend numero.

...

2009-01-10T16:56:00.004+01:00

Të shtunën e dua, kjo sepse në agjendën time te ngjeshur kjo dite me lejon te leviz pak me lirshëm. Sot dola te blija ca ushqime në një dyqan tek i cili shkoj vazhdimisht. Zgjedh artikujt që më duhen dhe afrohem të paguaj. Aty për momentin është nje grua(nëna e pronarit), kjo grua e vjeter e lodhur nga jeta, nga vitet e punes gjate komunizmit, nga 18 vitet ne kurbet (Greqi), tani lodhet duke punuar tek dyqani i të birit.. më thotë që shpëtimi i saj do të jetë kur i biri do martohet. Pasi ai lodhet ne dyqan duke punuar, njekohesisht dhe ajo punon por ai kur shkon në shtëpi pret gjithashtu që e ëma ti gatuajë, ti kete palosur rrobat e lare-hekurosura .. Dhe më thotë që kur ai të martohet dhe te kete nje grua do te jetë shumë e lumtur pasi në këtë mënyrë do ti hiqen obligimet. Ajo do kërkojë të rrijë në një biruce do kërkoje te hajë njeherë në dite dhe mjafton të jete e qetë..
Në këtë dyqan nuk kanë punëtore jo vetëm se nuk ua mban dot xhepi por edhe se siç thote ajo « nuk mund te kete besim ».. Më pyet si shkon puna tek kafe-bari im dhe un i them mire. Por pyetja që më befasoi ishte: Po tek ti a marrin kafe me listë ?!Kjo pyetje shoqërohet me një gjest po aq interesant, zonja (së cilës asnjëherë nuk ia kam mësuar emrin) më tregon një fletore me fletë që protestojnë nga pjesa lidhëse metalike që duhet ti mbaje. Në atë moment më ikën shumë fjalë, mu ndaluan shumë mendime që ecnin në mënyrë paralele ..këtë heshtje e theu « zilja » që më dërgoi Erjola(nje mikja ime) .. sinjal që tregonte se duhej ta merrja në telefon pasi ajo nuk ka nr me 20 ...

Duke vjedhur kohen time

2008-12-11T01:08:00.001+01:00

Kaluan dite te tera ku un jam tejet e zene.. kaq shume saqe me duket se dalangadale po mbytem , sikur po me merret fryma.. Dhe ja, nje ftese per ne teater qe i them jo , nje tjeter per nje koncert qe i them jo, nje tjeter ftese per darke qe i them jo, jo i them dhe nje tjeter libri i cili qendron i ngrysur pasi nuk e kam hapur akoma ta lexoj e kam frike se po e hapa do ma rrase nje shuplake..
Dhe ec, zgjohem heret ne mengjes, ec ne rruget e Tiranes per ne zyre, kaloj permes bllokut me nje shpejtesi thuajse maratone, shikoj pa shikuar ate zonjen qe ka veshur nje xhakete te zeze e nje fund jeshil, per pak sa u rrezua, ec, tek kuvendi shoh nje deputet me puro ne pike te mengjesit, ja dhe nje zoteri qe ma kalon ne te ecur , me vjen gati inat ndaj shpejtoj hapat, ec serish dhe ndaloj , pres te shoh driten jeshile nga ana tjeter e bulevardit, por jo nuk ka drita, ka nje polic qe ben shenje te kalojne makinat, kalojne 3 minuta, dhe un ndjej frymemarrjen te shpejtoje, me ne fund polici na jep leje te kalojme , trotuari nga ana e Rogner, gjithnje me kap nje psheretime tjeter, eshte nje grua qe lyp, ka ne dore nje femije dhe un ndjehem fajtore po kalova pa e pare , dhe ndjehem fajtore po kalova duke e pare dhe ndjehem fajtore po i dhashe ndonje lek dhe ndjehem fajtore po nuk i dhashe asnje lek. Qenka e shkruar te jem fajtore, pasi plus kesaj duhet te ec shpejt. Para meje dalin nga Rogner makina luksoze sikur te duan te tregojne se ne e komandojme kohen. Kalojne bri kesaj gruas , dhe ata nuk e shohin.
Arrij ne pune, pershendes dike qe me duket si nje nder koleget e mij , afrohem dhe shoh se ne fakt ishte dikush tjeter, dhe ai me pershendet por ne fakt GABIM nuk e njoh, dhe nuk me njeh, duhet te ve syzet jam astigmatike dhe miope shtoji ketu dhe nje doze te mira daltoniene. Por syzet nuk i mbaj dot ! Kerkoj ndjese se u nga terrova dhe marr ne shkembim nje buzeqeshje (zoteria ishte i huaj dhe me sa duket dhe ai nuk sheh mire)
Me pelqen puna qe bej, por ja qe dhe aty do kem probleme njehere me printerin, njeher me kolegen qe nuk e ka mbaruar detyren e saj, njehere me veten time qe dua te pij nje cigare. Kaluan dy ore pune pa punuar me sakte, ketu ne Tirane puna shkon ne shpejtesine e breshkes dhe nese je e predispozuar te jesh efikase. Del nje problem me internetin , me printerin , me kontrata te cilave ju mungojne detaje te rendesishme te lena nga ish kolegu im.. Dhe ja kaloj 4 ore duke punuar me efikasitetin e 1 ore por qe me ritmin e ketushem eshte efikasitet 6 oresh .
Keshtu pra momenti qe po kaloj duke shkruar kete qe po shkruaj eshte I vjedhur .. te pakten me duket se me ane te ketij shkrimi po e bllokoj pak kohen qe po me bllokon.

Media shqiptare mes raport progressit te EU, dhe zgjedhjeve në US

2008-11-07T19:31:00.000+01:00

5 Nëntor 2008. Lajmet, maratona e zgjedhjeve presidenciale është në qendër, ora 10 :00, them ok Obama president duhej të ishte kryelajm, në dreke po ashtu, në darkë krye lajm ishte Sokol Balla para Shtëpisë së Bardhë teksa (intervistonte kalimtarë si dhe një gazetar), dhe Blendi Fevziu teksa bënte dhe ai intervistat e tija në Washington (me përfaqësues të lobit Shqiptaro Amerikan atje). Lajm i DYTE : Raport Progressi për Shqipërinë me sytë e EU. Hap sytë të shikoj ç thotë Lohan, mu duk i qartë, por si zakonisht më shumë kohë ne këtë raport iu dha interpretimit opozitar, qe e përktheu me « Dështim » pastaj del qeveria që e përkthen me sukses ne kanalin tjetër. Media shqiptare dhe njëherë bën pasqyrimin më të keq të mundshëm të këtij raporti, si në vendin që i jep po ashtu dhe në përmbajtjen që i ngjyros asaj. Një pasqyrim po kaq jo profesional iu bë dhe zgjedhjeve në US.U bënë kaq shumë aludime mes dy kandidatëve dhe Shqiptareve..McCain apo Obama , sa e sa emisione në TV shqiptare iu kushtuan këtyre 2 kandidatëve. Obama gati gati sa nuk u quajt antishqiptar sepse na qenkësh filoserb, ndërsa McCain na doli filoshqiptar. Në një kohë ku dihej se ndërhyrja ne Kosove ishte quajtur sukses si nga demokratët me Klintonin, po ashtu nga republikanët me Bush që mbrojtën pavarësine e saj. Përse atëherë kaq të shqetësuar ne shqiptarët. Nuk kishim kryeartikuj të tjerë ? Po ashtu shtoj se terë ky përkushtim, perveçse interesit tregoi se sa të vegjel jemi ne shqiptarët si dhe sa inferiorë. Si përfundim u detyrua ambasadori Withers ta deklarojë disa herë se nuk ndryshon politika Amerikane ndaj Shqiptarëve ashtu siç dhe ambasadori Gjerman të shprehej dhe mbi raportin e EU që në fakt nuk ishte as sukses e as dështim…

Pa koment!

2008-10-25T15:17:00.004+02:00

Ku ndodhet kjo rruge ? Ne cilin qytet Europian ?

2008-10-22T17:07:00.002+02:00

Perse kaq shume frike nga identiteti yne?

Edhe sa kohë do të kalojë që më në fund shoqëria shqiptare ti japë fund “luajtjes” me fatin e saj ?

2008-08-10T18:29:00.001+02:00

Kaluan më shumë se dy vjet që u riktheva ne Shqipëri, ajo që më bëri përshtypje me shumë në Tiranë ishin ambientet e panumërta të lojerave te “Fatit”, do i pagëzoja më mire lojërat e fatkeqësisë.
Nuk shoh rrugë në Tiranë që të mos ketë nje ambient të tillë..Bixhoz, Baste, në shumë tabela të këtyre ambienteve lexoj “Fati ËSHTE NË DORËN TUAJ”..
Dhe papritur, kur pyes një miken time përse u nda nga bashkëshorti I saj, përgjigja ishte : Bixhozi: Ai kishte marrë dhe një kredi në emrin tim, u ndamë.. por un kam akoma për të paguar këste çdo muaj, për dy vjet të tjera. Një psherëtime pason atë frazë dhe un përpiqem të ndryshoj temë.. Po ashtu dëgjoj se komshiu sapo kishte shitur shtëpinë për të paguar borxhet e të birit..arsyeja e njëjtë..
Nuk e di por ajo që më bën më shumë përshtypje ështe se ndërkohe që shoh shumë Kafe bare që ndërrojne destinacion , shumë nga keto lokale kthehen në ambiente lojërash fati .. dhe duken të vetmet biznese që jo vetëm i mbijetojnë kohës por diçka më thote se jane më te rregulltit ne pagimin e taksave. Shoh truproja të veshur me costume e kravata para këtyre dyerve shumë lluksoze, ashtu siç shumë here kam parë adoleshentë që dalin me sy të prishur nga ato ambiente.
Nuk kam bërë kërkime për të pare se në ç’baza lejohen licensat per keto lloj biznesesh..por në një vend ku papunësia ka 2 shifra, në një vend ku mentaliteti është tepër patriarkal, në një vend ku fjala tranzicion nuk do të thotë më asgje, nuk arrij të kuptoj këte heshtje të paskrupullt te shoqërisë shqiptare, te medias shqiptare ku në vend që në nje faqe të pare të vendose historine e rrënimit të nje familjeje për shkak të bixhozit ,vë imazhe figura të Big-brother, dhe në fjalë sharje apo lëvdata ndaj kësaj klase politike.
Kështu krimet familjare, marrin gjithmonë përgjigje gjendjen ekonomike, kështu një kryefamiljar I sëmure nga kjo loje do shkatërroje si gangrene një familje të tëre, kështu shumë të rinj bien në ferrin e bixhozit dhe nuk do mund të zhvillohen normalisht, kështu fjala punë humbet kuptimin e kështu nje brez është I prirur drejt antivlerave. Po e lë mënjane fjalën moral, por ja që në këtë rast ajo është e lidhur ngusht me ekonomine e një familjeje, është e lidhur ngushte me mbijetesën e saj..
Arkitektura jone kaotike gjithsesi me duket se këtë frymëzon, jemi ne qe fillojme të ndërtojme pallatet nga kati I fundit e jo nga themelet, dhe shohim më në fund se kanalet për ujërat e bardha e të zeza nuk do bëhen dot siç “duhet”, jemi ne , Tirana jonë që me anë të asaj çka ofron ka në qender “Kazino” , lidhja bëhet direkte .. sidomos kur shumë politikanë I gdhijne netet në këto ambiente.
Pasojat e këtij mentaliteti ndihen, dhe do të vazhdojnë vonë ..
Ne jemi dëshmitaret e trishtuar, hipokrite që ne vend te evidentimit tëproblemeve reale, biem në gracken e larjes se hesapeve mes politikanëve..

P.s. Para dy vitesh botova një artikull, kur ai doli , u zhgenjeva pa masë sepse pjesa konstruktive e këtij artikulli ishte hequr. Kur e pyeta editorin perse ky sakatim përgjigjja ishte: Ne nuk duhet te japim zgjidhje , thjesht të shtrojme pyetje. Si përfundim, hoqa dore nga botimi I artikujve ne median shqiptare

"çifutët" modernë

2008-07-19T21:36:00.005+02:00

Pergjigje ndaj artikullit me titull :Dyshimet e arsyeshme për votimin e emigrantëve
(botuar tek Gazeta Tema,Korrik,2008, autor Mero Baze)
http://www.gazetatema.net/index.php?gjuha=0&category=0&id=2865

E drejta themeltare e një shtetasi është e drejta e votës, mohimi i kësaj të drejte është KRIM!
"Duhet te votojnë ata që e meritojnë" shkruan z.Baze
Shkruani se jeni kundër që” fatet e mia t’i vendosë, qoftë dhe me një diferencë të vogël, një pakicë që emocionohet nga diferenca që bën mes Shqipërisë dhe vendit ku jeton dhe jo nga përpjekja e saj për ta ndryshuar këtë realitet”, për cilat fate tuajat flisni, tuajat personale? Po, mbase ju ia dilni mbanë të keni një jetë normale me këto “shkrime” që arrini ti shisni, por harroni se një përqindje e madhe e familjeve shqiptare mbahen nga të ardhurat e këtyre “të paedukuarve, e të pakulturuarve”, që bëjnë punë nga më të vështirat për të mbajtur familjet e tyre në Shqipëri. Mos më thoni se besoni tek shifrat zyrtare të papunësise ku shkruhet 13%, po këta emigrantë kanë te drejtë po ashtu të mos i shohin vellezërit e tyre te papunë tek sillen bilardove apo lojërave te fatit, tek kalojnë ore të tëra në kafene e bare. A mundeni që sot tu thoni këtyre emigrantëve që nuk paskan te drejtë për të votuar meqenëse janë jashtë Shqiperisë?
Ju zotëri i nderuar që po bëheni shembulli më i prekshëm i racizmit shqiptar ndaj shqiptarëve(!), më bëni të mendoj se (mos)profesionalizmi gazetaresk, nuk është e meta juaj e vetme. Të ishte vetem kjo,ndoshta dhe kapërdihej. Mirëpo, po bindem se disa prej jush, janë vetëm sipërfaqja e ndotur e një ene me ujë të palëvizshëm. Të votojnë vetëm ata që e meritojnë?! Me cilin test , vallë,do ti veçoni ata që e meritojnë … bujarinë tuaj?
Kujtoni mësëshumti N. Sarkozy-në dhe testin e famshëm të ADN-ë që propozon për fëmijët e emigrantëve.Mos vallë, duhet të presim të kërkoni ndonjë "ndërhyrje" shkencore që mat patriotizmin apo nivelin inteketual ?! Pas rënies së diktaturës, pjesmarrja në votime është të paktën alarmante. Sipas jush, zotëri i nderuar, këta që ndodhen në atdhe dhe …e meritojnë(!)përse vallë i kanë kthyer shpinën kutisë së votimeve ?!
Vallë, cilave statistika u referoheni, kur thoni se, shumica e atyre që janë larguar pas '90 nuk duan të dinë për Shqipërinë ? Ç'lloj gazetarie është kjo e juaja që, për çështje kaq vendimtare, mbështetet thjesht tek thashethemet? Më tej, nuk nguroni të shkruani për "nivel të ulët të emigrantëve në Greqi", prove e fortë kjo e një përçmimi shqetësues që ndjeni ndaj tyre. Nëse nuk e dini, gjithsesi, po ju ndihmoj duke kujtuar se, mundësitë informatike të Greqisë, sigurisht që nuk mund të krahasohen me ato të Shqipërisë.Gjithashtu, jeni, besoj, në dijeni të faktit që, në mjaft zona të Shqipërisë, niveli i analfabetizmit po shkon në rritje, pasojë kjo e ekonomisë së "begatë". Pikërisht sot,sikurse mësohet nga mediat, mbi 8 mijë fëmijë nuk po ndjekin arsimin e detyruar! Mentaliteti mesjetar është akoma prezent edhe në rrethinat e kryeqytetit ,ku një prind, krejt natyrshëm, i kërkon së bijës të lerë shkollën, sepse atij … nuk ka kush i gatuan!!!
" Emigracioni i përgjegjshëm" , është një tjetër frazë ironike dhe diskriminuese . Si mundet vallë, kaq papërgjegjësisht, të gjykosh si të" papërgjegjshëm" një prind që kalon kufirin, qoftë dhe në mënyrë klandestine (dhe kjo për arsye të mungesës së strategjisë kombëtare për emigracionin) për të ushqyer fëmijët e tij?! E përse ky paragjykim, zotëri, kur jeni dëshmitar okular i gjendjes alarmante ekonomike të këtij kombi ?! Pa hezitim, po sulmoni një popull të tërë. Të gjithë ne, ose kemi një të afërm emigrant, ose kemi qenë vetë të tillë, qoftë dhe për njëfarë kohë.Të paktën të papranueshme, tingëllojnë fraza të tilla.
Për mendimin tim, ne që «e meritojmë » jemi më shumë analfabetë. Ndër të tjera, teknologjia ecën më shpejtë se "patriotizmi " ynë bosh. Nuk ka dyshim se, mjaft emigrantë, janë më tepër në dijeni të asaj që ndodh këtu, krahasuar me « të merituarit » që jetojnë në fshatrat ku shqetësimi kryesor ështe mungesa e ujit, e dritës, apo thjesht e një ambulance për të transportuar në «qytetërim » njeriun që ka nevojë për mjekim. Një udhëtim i politikanëve tanë andej nga ato fshatrat, me NATO apo pa NATO, dhe premtimet bëhen lehtë të besueshme. Të gjitha këto, për të bërë një paralelizëm , dhe jo për të thënë se ,ata fshatarët në Has, Dibër, apo Bilisht nuk e kanë të drejtën e votës . Mirëpo, paraleleizmi që ju rrekeni të bëni, është krejt shokues. Së fundi, ju që sygjeroni "përzgjedhjen" e emigrantëve "në ata që e meritojnë dhe në ata që nuk e meritojnë", mos neglizhoni faktin se, tendenca për të emigruar nuk është zbehur aspak, fenomen ky që pason politikat e dështuara. Pas kësaj, fare mire dimë se, ku ka pasojë ka dhe shkak! Mbi 1milionë shqiptarë emigrantë, duke qenë thuajse tërësisht moshë aktive , së paku përbëjnë rreth 25% të votuesve të mundshëm. Ndaj, lojnat e fjalëve për "nivelin kulturor" apo indiferentizmin ndaj atdheut, tingëllojnë të paktën cinike. Sidomos, përllogaritur këtu dhe … “nivelin kulturor” që ju mbillni me frazat tuaja, të denja për oratorinë e një partie naziste. Stereotipet që ju përdorni, aspak nuk dallojnë nga ato të antishqiptarëve.
Së fundi, një qytetar shqiptar, kudo qoftë, duhet të ketë të drejtën e votes per fatin e e vendit te tij. Kjo është dhe më elementarja që siguron demokracia. Nëse pas kësaj, posedimi i një pasaporte të lëshuar nga Republika e Shqipërisë, nuk do tu jepte atyre të drejtën më elementare të demokracisë, pra të drejtën e votës, personalisht , nuk do të befasohesha nëse dëgjoja një ditë se po i kthejnë ato në fletushka për zjarr.

A.Karakushi

Ingrid Betancourt me ne fund e lire!!!

2008-07-03T15:31:00.005+02:00

Jam e perlotur para ketyre imazheve te TV5. Ingrid Betancourt e cila ishte rrembyer nga forcat e FARC (Revolutionary Armed Forces of Colombia) qe prej 6 vjetesh u lirua me ne fund fale nje operacioni shume kompleks te forcave kombetare te Kolumbise ne bashkepunim me forcat e espiunazhit amerikan. Ajo ishte rrembyer nderkohe qe ishte duke zhvilluer fushaten e saj elektorale ku ajo ishte kandidate per presidente. Kjo franko-kolumbiane idealiste ishte bere nje figure shume popullore jo vetem ne Kolumbi por dhe ne France ku ndodhej dhe familja e saj. Ajo ka qene nje kritike e ashper e forcave rebele te FARC gjate fushates se saj. Edhe pse e paralajmeruar nga qeveria Kolumbiane qe te mos udhetonte ne zona qe kontrolloheshin nga keto forca rebele ajoi vizitoi keto zona ne nje prej te cilave ajo u rrembye. 6 Vjet te mbushura me dhimbje, deshtime te njepasnjeshme operacionesh qe synonin lirimin e saj., 6 vjet duke vuajtur semundjen e saj. 6 vjet e privuar nga femijet e saj, motra e saj, bashkeshorti. Nje dite kjo histori do ngjitet ne skenat e Hollivudit, por ishte me te vertete me fat. Happy ending! Fjalet e saj te para nderkohe qe u lirua ishin : "parajsa duhet ti ngjaje asaj qe un po perjetoj ne keto momente "

P.s. Imazhi eshte marre nga :http://www.20minutes.fr

Tolerance?

2008-06-18T11:59:00.005+02:00

Nje vit me pare, kur pashe se tregu i fruta perimeve po rregullohej nga bashkia u gezova pa mase. Me nje shpejtesi per tu admiruar pashe se si ngjyra jeshile po mbulonte konturet e mbajteseve te tendave. Dhe mbulimi me pllakata te nje jeshileje paksa me te hapur ishte menduar qe te mbronte frutat dhe perimet nga dielli shpues i veres apo shiu i vrullshem. E veshtrova rregullisht kete proces duke qene se ky treg shihej direkt nga dritarja e dhomes sime. Ne ato dite kisha te ftuar du shoke amerikane. Keta te fundit u impresionuan kaq shume saqe bene nje filmim te ketij ndryshimi. Biles ne fund bene dhe ca ntervista. Fakti qe ata jetonin ne nje vend ku rralle ndryshonte gje, i beri entuziaste ndaj ketij ndryshimi, sado simbolik te ishte ai.
Por sot, pas nje viti e gjysme jam e gezuar qe miqte e mij nuk jane ketu. Ne fakt, tregu eshte po aty, nuk ka ndonje demtim te tij. Vetem se nga ana e djathte e tij filluan te shiteshin mallra kineze e turke, tip veshmbathje te brendshme, per femije , te rritur, bluza, çorape, shami, dhe nga ana e djathte e tij shiten atlete, kepuce (kuptohet origjine te njejte) dhe sikur te mos mjaftonte kjo, keta te fundit i kane bere nje prezantim shume interesant « produkteve » . Ne telat e siperm ku mendohet te vareshin mbase vargje figu, apo ku di une, qendrojne plot krenari atletet e lidhura ne radhe me ato lidheset e tyre.
Ne mes te tregut te « fruta perimeve » vertet qe mund te gjesh fruta dhe perime. Disa nga ata fshataret qe shisnin para nje viti aty, e lane tregun e fruta-perimeve per te shitur ne rruge, disa te tjere vazhdojne te shesin aty, por nuk bejne dot seleksionimin e perditshem te produkteve te fresketa apo te kalbura si dhe duken te mbytur nga rrethimi i « fruta –perimeve moderne». Me vjen keq per keta fshatare qe shesin realisht fruta dhe perime aty, sepse dale ngadale ata po humbasin gjithe klientelen. Dhe, nese e shikon kete treg majtas ata nuk duken. Po e e djathtas nuk duken. Po e pe nga qendra, nuk je e sigurt c’behet aty. Por ju siguroj qe shiten dhe frute dhe perime. Prandaj shpetojini keta te shkrete.
Ehh ne shqiptaret jemi vertet tolerante. Si thoni ju, te qeshim apo te qajme?!

Ku ecim...

2008-05-31T23:28:00.004+02:00

Sa te formatuar jemi..Sa te klonuar jemi ..Kjo shoqeri, ky civilizim me historine e tij duke kerkuar te na nxjerre nga primitiviteti..Besime te ndryshme fetare qe shetisin nga epoka ne epoke ..Mesjeta..akoma pyes vehten perse quhet e tille (nuk jam dakort me shpjegimin a historianeve) rilindja..qe vuri ne themel me ane te humanizmit njeriun, individin, shkrimin vernakular. Pastaj historia Europiane do njohe arsyen, reformatoret, dalengadale shkeputjen e fese nga shteti, do pasoje me iluminizmin , realizmin, romantizmin, surealizmin, dhe ja ku shekulli i 20 do ndaje Europen me dysh, bashke me kete ndarje ideollogjike pason nje ndarje mentalitetesh ..Gjithsesi ky shekull do perfshije ne te dhe thyerjen e ketij muri. Por le te flasim per njeriun..Sot shekulli i 21 ..

Te gjithe shkojme ne shkollohemi sepse na duhet nje formim i tille per jeten tone , si pergatites per te ecur nje dite te pavarur e te pajisur me nje profesion qe na ben me se fundi te lire, te pavarur.
Por eshte dhe ana tjeter, te gjithe kemi ne mendjen tone te injektuar idene e krijimit te nje familjeje. Perse? Sepse te gjithe e bejne kete, sepse duket se per kete kemi ardhur ne kete jete , sepse po nuk e beme quhemi "deshtake" ..dhe akoma vrapohet ne vendimarrje te tilla.
Nuk me pelqen te gjykoj ..gjithmone kam menduar se nje familje krijohet ne bazimin e sentimenteve dhe nje llogjike reciproke mes dy personash (M.F). Por po shikoj kaq shume papergjegjesi rreth meje. Njerez qe jane bashke thjesht sepse "duhet " te jene bashke, tashme nje femer shtepiake nese i shoqi ka nje lidhje paralele e ka gojen te kyçur. Nga ana tjeter shoh me shume te trishtuar qe jane bashke, sesa te "lumtur".
Po i sheh aty te ulur ne nje restorant, mund te kene dhe nje femije me vehte, por ja qe nuk shkembejne fjale. Ose ose ajo qe me neverit dhe me shume eshte ky lloj frekuentimi, femrat flasin bashke, dhe burrat e tyre bashke. Shume here jane ne bare duke pare nje ndeshje ku bejne tifo per Milan apo Inter. Po pati ndonje femer terheqese aty rrotull do hedhin ndonje flirt, apo do bejne nje koment. Apo keto zonjat e nderuara, qe per biseda kane subjekte vetem markat e rrobave, Armani, Dolce Gabanni, apo CK , apo parfume apo ku di une se çfare.Me e shumta ndonje thashethem.
Po kjo e dalura per kafe ..Kafe Kafe Kafe..Tu rrefej te verteten, un dal per vetem kur duhet te takoj ndonje mike apo mike pasdite apo ne darke, por jo ne pike te mengjesit te dalesh vetem per te dale..Biles biles me duket se dalin per te pare me shume se per tu takuar.. Nese perpara dalja per nje kafe nenukptonte biseden me duket se tani dalin vertet per kafene.

Por le te kthehemi tek ajo qe desha te shtjelloja, mos valle ky formatim , ky manipulim i idealit , ne fakt permban me vehte ate qe eshte me pak ideale. Me sakte cili eshte ideali ..ti nenshtrohesh nje modeli shoqeror qe te serviret apo asaj qe ti ndjen realisht, e megjithate ajo qe ti mund te ndjesh eshte e influencuar nga shoqeria vete. Mos valle keto shembuj medioker qe permenda me siper bejne fjale per vete kete konfrontim?

Le Fabuleux Destin d'Amélie Poulain

2008-05-28T07:40:00.001+02:00

Un do shkruaj shpejt, por ju lexoni ngadale , loooooool kete fraze e kam lexuar shpejt diku. Ne mungese te kohes per tu menduar gjate, po “mobiloj” kete « post » me nje nder filmat me te dashur per mua, me sakte me nje tirazh te shkurter te ketij filmi. Nuk e di a eshte muzika e ketij filmi qe behet e dashur « padrejtesisht » ngaqe filmi eshte i bukur apo thjesht kjo muzike i pershtatet me se miri ketij filmi. Megjithate sa here qe e degjoj kete muzike nje buzeqeshje me vjen krejt natyrshem, sepse ky film eshte si ata filmat qe jane thjesht te mrekullueshem, jo ne saje te efekteve speciale, jo ne saje te aktoreve « perendi te bukurise » por, sepse mbartin ne vete nje himn magjik . A e keni pare filmin Le fabuleux destin d Amelie Poulain ?

"telefon celular" .. Nuk e di

2008-05-14T23:58:00.005+02:00

Me ka ndodhur qe telefoni im te mos pushonte nga thirrjet e shumta
Me ka ndodhur qe te mos dua ti pergjigjem telefonatave, jo sepse ata qe me merrnin ne telefon ishin njerez me te cilet nuk doja te flisja, jo sepse ata me bezdisnin.. thjesht nje force e mistershme sikur nuk donte qe une te hapja telefonin, nje shikim shperfilles mbi telefonin tim , thua se nuk doja qe ai te ekzistonte, thua se nuk doja qe te pergjigjesha e te thosha se jam mire apo nuk jam mire.
Me ka ndodhur qe (sikurse tani) ta mbaj telefonin shumfunksional, me shume per te pare oren, apo per zilen e mengjesit sesa per te telefonuar, deri ne piken ku tani dhe kur bie zilja nuk e degjoj ( e kam bere te heshtur). Ajo qe eshte me e bukur fare eshte se nderkohe qe nuk i pergjigjem telefonit iu pergjigjem mesazheve..thua ti se ndonjehere jemi me te predispozuar per te komunikuar me ane te te shkruarit sesa me ane te te folurit. Mbase sepse kur shkruajme nuk themi pyetjen : A je mire ? apo : ç’kemi ?, por komunikojme me direkt ne kete menyre indirekte. Me duket se kjo vlen sepse ne kur na drejtojne pyetjen a je mire, nuk e pyesim veten ne te vertete se si jemi , thjesht e kalojme duke thene « mire , faleminderit . Po ti /juve ? Dmth fillojme nje bisede ne menyre fallco. Nderkohe sikur te jemi te sinqerte ne nuk hapemi me te gjithe, dhe mua personalisht nuk do ma kishte enda qe ti thoja te gjitheve se si ndjehem. Nuk ka te beje thjesht me gjuhen shqipe, kjo fraze eshte krijuar si etnonim ne shume gjuhe te tjera (mos te themi te gjitha) dhe eshte bere si njelloj kodi per te hapur bisedat. Se fundi telefonin tim nuk e perdor me per telefon..e megjithate ne menyren me falco te mundur ai quhet i tille.

Sa bukur:)

2008-05-13T20:47:00.004+02:00

Dje duke ecur ne nje rruge ketu ne Tirane, pashe keta du qene apo qenushe :) qe po flinin, rreth tyre ishte nje qen tjeter qe sillej . Me beri pershtypje menyra si ishin pozicionuar keto dy kafshe, dhe mu duk pamje shume e bukur. Nxora aparatin tim per ti fotografuar nderkohe qeni i trete po me vezhgonte, ne ate moment ai vihet perpara tyre dhe dukej sikur po i mbronte ato nga aparati im qe mbase per te dukej si nje arme :) . Dhe siç e shihni i mori kete pozicion :) Ajo qe eshte me e bukur eshte se mua mu duk sikur ai po pozonte enkas per mua:)) Juve si mendoni:)

Notre Dame de Paris song 19 Belle

2008-05-11T12:27:00.001+02:00

E di, fakti qe un e adhuroj kete kenge nuk do me beje te veçante. Ka miliona njerez qe e adhurojne kete kenge e cila eshte bere thuajse hymn i muzikes franceze ne kohera. Por eshte pikerisht kjo ane unike e kesaj mrekullie muzikore, kjo kenge ne tekst ka melankoli, ritem, muzike te alternuar ne melankoli dhe force, nje ndjeshmeri maksimale, derideri sa momente te caktuara ka nje kristalizim perfekt mes forces se dashurise dhe trishtimit te saj, nje perzierje qe ne pikture do perkthehej me rrymen e Impresionizmit. Duket sikur ka nje ane hyjnore ne kete kenge. "Notre Dame de Paris" kenga 19 "Belle"

Shades of childhood..

2008-05-10T16:36:00.001+02:00

While reciting, since I was very young, thought that drama would be my life career, one day all this passion collapsed, as I understood the subject of poems recited by me was to praise the wrong person.
I was a very little girl when I started loving reading and reciting. About 5 years old, my aunt would teach me poems to learn by heart, different ones, but mainly patriotic themes.
I know that today everyone would be surprised to hear such a thing. Children nowadays
learn poems about trees, pigs, flowers, and bunnies even in Albania, but at the time, it was not exactly like this.
Everyone thought I was so talented that, whenever there were feasts, I was asked to
recite in front of my schoolmates and teachers. There were around four hundred people paying attention to what I was reciting, how I would play with my voice in lower or louder tones, with my arms accompanying the context of the poem and face expressions as well, since I used to feel very strongly every single word coming out of my mouth. I was only 8 years old .
From a very early age, I knew I wanted to be an actress. Yes, I know, all little girls dream of such things, but in my case it seemed that the adults all believed in me. I had won second place in a nationwide competition for young talents when I was five. People always clapped their hands once I had finished reciting. Also, my parents were so proud of me that whenever we had guests, or friends coming to visit, I was the little robot. You would push one button, and with a big smile, the show would begin!
I would go on reciting whatever mama and daddy wanted to hear from me, of course,
from 1980 to 1990. During this period poems about Enver Hoxha were the fashion. Poets around the country wrote poems to honor him, poems which where very sad and
melancholic. I would even end my poems by shedding tears in the end. I would make my
audience roll some tears as well because the “dictator” was dead. So I became part of the local theatre as well, acting in small plays. I loved drama, theatre, and poetry and I was a very dynamic participant in different activities. Little girls on the street would identify me with the name of the character I had played the last Sunday theatre the“Pioneer’s House”.
But one day everything changed. This very special day, Enver Hoxha‘s statue that stood in the center of our capital was demolished by angry crowds of people, mostly students, that where sick and tired of the dictatorship, extremely determined to change the system and to bring down this dictatorship that had turned into prison a whole nation. The unfolding events made me happy on one hand and very sad otherwise. I started searching for better explanations. I was not six years old any more, I was thirteen.. I do not know actually how sad I was. I can not measure it, but in a very silent and gradual way I stopped reciting. I didn’t like to learn poems by heart anymore. I did not like to be on stage either. Something made me think that it was not just that. I did not just stop reciting, I also forgot the art of reciting.. The other day one of my professors asked me to read aloud a poem. I realized that my voice came out just as though I read a newspaper.
Something has been buried deep inside me and I have to struggle to revive it.

...Heshtje e trazuar

2008-05-09T21:13:00.003+02:00

Nuk dua te flas

Nuk dua te shkruaj

Dhe mendimet perpeliten brenda meje, sikur rrotullohen

Sikur ecin me vrull..
diku diku dhe me pergjerohen ti shkruaj , ti them , ti bertas ..

Dhe un e pameshirshme mbyll deren e hekurt duke iu pergjigjur

Serish pa folur , serish pa shkruar

Thjesht duke menduar “Jo nuk dua”

P.S Kjo eshte poezia e pare qe shkruaj pas me shume se 14 vjetesh..

Michelangelo e dua shume / I love it

2008-05-03T17:50:00.002+02:00

Ndotja e...

2008-05-02T20:23:00.003+02:00

Shume here duke shetitur ne forumet internacionale (kam fatin qe flas dhe kuptoj rrjedhshem disa gjuhe) bie ne mllefe te papara balkanike..Na shajne ne, shajme ne ata, shahen dhe ata mes tyre. Me sakte jemi te gjithe te share!! Kur do e kuptoje njerezimi i ballkanit se nuk ka rrace superiore, kulture superiore , se baza e shoqerise eshte individi dhe duke qene e tille nuk mund te paragjykohet. Eric Emanuel Schmitt ka thene :Racizmi nuk eshte frika se tjetri eshte i ndryshem nga ti, por se tjetri eshte i ngjashem me ty.

Eshte fraze e thelle dhe duhet te mendohesh mire per ta peshuar..se fundi i jap plotesisht te drejte.

English version:

Polluted…

It happened very often while surfing in the international sites ( I am lucky enough to understand, and speak fluently several foreign languages) come across incredible Balkan hatred posts. They insult us (Albanians), we insult them(Serbs, Greeks, “Macedonians”) they insult each –other( Serbs –Croats, Bosnian- Serbs, Greeks with “Macedonians”), saying it with other words , we are all insulted!! When will Balkan people understand that there is no superior race, there is no superior culture. When will we understand that the base of a society (nation) is the individual, and being so we cannot prejudge societies and nations. Thinking about all this it comes in my mind a phrase of Éric-Emmanuel Schmittt:
“ Racism is not the fear of other being different from you, it is the fear that the other is similar to you”

I know, you have to think deeply in order to understand this phrase, personally I think he is right.

Pa shpine...

2008-04-30T16:09:00.003+02:00

Ka pak dite qe kam filluar te shkoj ne palester...kjo pasi mami im qe eshte njeri shume energjik thuajse nuk me rrembeu me zor qe ta ndiqja pas. . Fillova me vrapin, 30min. Tani mu kujtua qe here pas here shikoja komshijen time te "vrapit" ne tapetin rrotullues (paskam inat ta them tapi rulant). Ajo le qe nuk vraponte, ecte sikur po bente shetitje por here pas here shikimin e kishte nga pasqyra, floket te leshuara, po , ishte nje vajze e pashme, e bukur, por nderkohe qe ajo shihej ne pasqyre une po mendoja per floket qe preknin shpinen e saj, mbase te djersitur...oupss
Sa inat qe here pas here mendimet tona na ngaterrohen ne gjera kaq te pak te rendesishme.
Thua ti se gjykimi sado i heshtur dhe i brendshem, punon ne menyre krejt te pavullnetshme.
Ajo qe me beri pershtypje ishte zbulimi apokaliptik se une nuk kisha muskuj!! Instruktorja e aerobise me tha: ti sikur nuk ke shpine moj vajze! Eh dhe une, fillova te pyes veten si kam jetuar deri tani pa shpine :(
Dhe mu kujtuan ato dite ku shpinen time e kisha harruar ne shtepi..
Deri ketu ne rregull, gjithsesi mire e keq, i bera ato ushtrime , here here ngaterroja kembet, ne vend te se djathtes nxirrja te majten dhe anasjelltas.
Vertet qe ne mbremje ndjehesha sikur te kisha bere operacion, por ajo qe njollosi diten time ishte kjo fraze "ku e ke shpinen moj vajze?"

Art?

2008-04-27T18:37:00.004+02:00

E di ..ka ca imazhe qe vihen per pak "paqe" ja prandaj e vura kete.

Ne fakt per studimet, po bej nje "research paper" qe ka te beje me influencen e artit ne politike :) po pyes veten sa nga diplomatet tane kane bere ndonje "history of Art" Nejse po e zbus pak se Basha i shkathet eshte.

दोरेजोहेम!

2008-04-27T18:13:00.001+02:00

Ku shkon media Shqiptare??

Si eshte e mundur qe spikeret e lajmeve apo me sakte drejtoret e informacionit te bejne gafa te tilla!!!

Per shembull mu kujtua kur pas pavaresise se Kosoves u tha se 51 vendet e Konferences Islamike e kishin njohur ne grup Kosoven, nderkohe qe ata thjesht e kishin pershendetur ate!!
Kush mund te pretendoje sot per profesionalizem gazetaresk!

Me vone ne nje media tjeter lexova gjasme shqiptaret e Maqedonise ishin 1 milion...hej a e kuptoni c po ndodh ?? Po tham nje milion i bie te kete dyfishin e shifres se deklaruar nga FYROM te shqiptareve atje,sepse ata 2 milione jane gjithsej (pak me shume ndoshta) dhe perveç shqiptareve atje ka dhe minoritete te tjera 7%!! I bie qe te ashtuquajturit maqedonas te jene minoritet ne te ashtuquajturen Maqedoni!

Para jo me larg se 2 ditesh u be inagurimi i fillimit te punes per ndertimin e nje postblloku kufitar (modern) mes Malit te Zi dhe Shqiperise financuar nga BE, e dini ç'tha spikerja : "U perurua pika e re e postbllokut mes Malit te Zi dhe Shqiperise..."
Te tera keto media jane "me te mirat"

Nuk po i marr per baze disa nga keto spikere qe i lexojne njesoj pa pike emocioni lajmet , thua ti se te ishin robote! Por ka dhe nga ato te tjerat spikere qe "kercejne" duke lexuar lajmet dmth i emocionojne ato teper !

Eh sa te tjera ...qe ka
heren tjeter do komentoj te Ashtuquajturit Analiste !

oupps

2008-03-29T20:54:00.004+01:00

Kjo jam une , seç 'kam nje passion per fotot bardhe zi ..
Ne kete foto jam ne Paris, ne nje Café shume simpatike te Parisit qe quhet "Daguerre" adressa rue Daguerre 75014, metro Denfert Rochereau(linja 6 ose 4)
Sherbimi ishte i keq
Ushqimi i mire
Shoqeria ime ishte fantastike, si mund te ishte ndryshe kur me mua ishte motra ime e dashur Albana:)

ABSTENIM

2008-03-21T20:02:00.002+01:00

Protestoj ndaj kesaj klase politike qe punon ne menyren me fiktive te mundur
Protestoj ndaj kesaj klase politike te veshur nga injoranca, nga paaftesia, nga makuteria, nga etja per pushtet, nga korrupsioni, nga hipokrizia!!!!

Protestoj dhe do te doja me sakte do te enderroja qe ne zgjedhjet e ardhshme te votonim e gjithe me ABSTENIM ne kete menyre do i thonim te gjithe nje JO te madhe te githe kesaj klase politike qe tallet me kete popull!!

ABSTENOJ!

My birthday ..Ditelindje

2008-03-20T02:44:00.002+01:00

Sot kam ditelindjen ...me sakte sapo e kisha kam 2ore e 46min

Normalisht duhet te bej nje feste..por e di ka nje arsye per te festuar dhe nje tjeter per te mos festuar..ne gjendje normale..per shembull ti mund te mos e festosh sepse ç'kuptim ka te festosh dukeqene se i afrohesh vdekjes..ose ose mund ta festosh duke menduar shyqyr qe e kam arritur kete dite duke pare se ka shume qe per arsye te ndryshme nuk e arrijne dot kete moshe..

Problemi qendron se ka vetem 5 dite qe ndodhi nje katastrofe ne afersi te Tiranes, dhe duket se dy arsyet a para nuk konsiderohen me..Po ..eshte e vertete jam e shokuar dhe e trishtuar me ate qe ndodhi..mendimet e mija ne keto momente notojne tek ato viktima qe nuk jetojne me..tek ai femija i vogel qe kishte mbushur vetem 3 vjeç dhe qe quhej Flavio..por qe nuk jeton me..

Ehh po shkoj te perqafoj krevatin tim dhe te zgjohem pas disa oresh ..mbase do ndihem ndryshe
mbase do kem vendosur ta festoj ..mbase te mos e festoj..mbase do e festoj dhe qjate mbremjes lote do me rreshkasin ..mbase mbase dicka do shpertheje sonte ne Tirane afer lagjes sime dhe un nuk do torturohem me me mendimin ta festoj apo te mos e festoj..